ធ្លាយធុងហ្គាស ឆេះរោងស្តុកកម្ទេចក្រណាត់ ក្នុងសិប្បកម្មផលិតពុម្ពកាំបិ.ត នៅស្រុកសំរោងទង
- ភ្នំពេញ
ខេត្តកំពង់ស្ពឺ ៖ រោងស្តុកកម្ទេចក្រណាត់មួយខ្នង នៅក្នុងសិប្បកម្មផលិតពុម្ពកាំបិត ត្រូវបានអគ្គិភ័យឆាបឆេះអស់គ្មានសល់ ខណៈដែលធ្លាយធុងហ្គាស ក្លាយជាអណ្តាតភ្លើងឆាបឆេះបង្កឱ្យមានការភ្ញាក់ផ្អើលដល់កម្មករ និងសមត្ថកិច្ចជួយអន្តរាគមន៍យករថយន្តពន្លត់អគ្គីភ័យបាញ់ ទើបរលត់។
ករណីឆេះរោងស្តុកកម្ទេចក្រណាត់ បង្កឱ្យមានការភ្ញាក់ផ្អើលកាលពីវេលាម៉ោង១០និង២០នាទីព្រឹកថ្ងៃទី១៧ ខែវិច្ឆិកា ឆ្នាំ២០២៦ នៅក្នុងសិប្បកម្ម យីហោ( ហ្វៃតា ) ផលិតពុម្ភកាំបិត ស្ថិតនៅក្នុងភូមិព្រៃផ្តៅ ឃុំត្រពាំងគង ស្រុកសំរោងទង ខេត្តកំពង់ស្ពឺ ។
សមត្ថកិច្ចខេត្តកំពង់ស្ពឺបាននិយាយឱ្យដឹងថា អគ្គិភ័យនេះបានឆាបឆេះកម្ទេចក្រណាត់ដាក់ក្នុងរោងមានទំហំ ៤ម៉ែត្រ គុណនឹង១២ម៉ែត្រ អស់ចំនួនមួយខ្នង រងការខូចខាតឆេះអស់ទាំងស្រុងតែម្តង។ រងការខូចខាតរួមមាន ៖
-កង់អាគុយចំនួន១គ្រឿង
-បំពង់ហ្គាស់ចំនួន៥ បំពង់
-កម្ទេចក្រណាត់មួយចំនួច្រើន។
សមត្ថកិច្ចខេត្តកំពង់ស្ពឺបានបន្តថា កិច្ចអន្តរាគមន៍ពីសមត្ថកិច្ច បានប្រើប្រាស់រថយន្តពន្លត់អគ្គីភ័យចំនួន ៣គ្រឿង រថយន្តអធិការដ្ឋាននគរបាលស្រុកសំរោងទងចំនួន១គ្រឿង និងរថយន្តស្នងការដ្ឋាននគរបាលខេត្តកំពង់ស្ពឺចំនួន ២គ្រឿង។ និងបានប្រើប្រាស់ទឹកអស់បាញ់ពន្លត់អស់ចំនួន៣ រថយន្ត ទើបរលត់ទៅវិញ។
-ប្រើប្រាស់បំពង់ពន្លត់អគ្គីភ័យ អស់ចំនួន១៥បំពង់ ។ ប្រើប្រាស់កម្លាំងរួមមាន កម្លាំងនគរបាលចំនួន ១៧នាក់។ កម្លាំងប្រជាការពារ និងកម្មកររោងចក្រចំនួន៤២នាក់ ទើបរលត់ទាំងស្រុង។
សមត្ថកិច្ចខេត្តកំពង់ស្ពឺ បានបញ្ជាក់ថា ចំពោះមូលហេតុដែលបណ្តាលឲ្យឆេះរោងស្តុកកម្ទេចក្រណាត់នេះ មកពីធ្លាយធុងហ្គាស។ ទំហំនៃការខូចខាតមិន ទាន់អាចវាយតម្លៃបាននោះទេ។ ចំពោះករណីនេះ មិនបណ្តាលឱ្យរងគ្រោះដល់មនុស្សឡើយ៕









ចែករំលែកព័តមាននេះ