ADផ្ទាំងផ្សព្វផ្សាយពាណិជ្ជកម្ម

Picture

កម្ពុជាប្រកាសក្តែងៗលើឆាកអាស៊ាន ! ជនភៀសសឹកខ្មែរ២ម៉ឺននាក់ ត្រូវតែបានវិលត្រឡប់ទៅផ្ទះវិញ ដោយគ្មានការរារាំង និងពន្យារពេល

2 ថ្ងៃ មុន

រាជធានី​ភ្នំពេញ ៖ នៅ​ក្នុង​កិច្ចប្រជុំ​អាស៊ាន​លើក​ទី​៤៩ នៅ​ហ្វី​លី​ពី​ន កម្ពុជា​បាន​ធ្វើ​បទ​អន្តរាគមន៍​ដោយ​បញ្ជាក់​ថា ពលរដ្ឋ​កម្ពុជា​ប្រមាណ​២​ម៉ឺន​នាក់ ជា​ជនភៀសសឹក ត្រូវ​តែ​វិល​ត្រឡប់​ទៅ​ផ្ទះ​វិញ ដោយ​គ្មាន​ការ​រារាំង​នោះ​ទេ ។

យោង​តាម​សេចក្តី​ប្រកាស​ព័ត៌មាន​របស់​ក្រសួង​ការ​បទេស និង​សហប្រតិបត្តិការ​អន្តរជាតិ បានឱ្យ​ដឹង​ថា​នៅ​ក្នុង​កំពូល​អាស៊ាន​លើក​ទី​៤៩ ដែល​ហ្វី​លី​ពី​ន​ធ្វើ​ជា​ម្ចាស់ផ្ទះ ឯកឧត្តម​ឧបនាយករដ្ឋមន្ត្រី ហង់ ជួនណា​រ៉ុ​ង រដ្ឋមន្ត្រីក្រសួង​អប់រំ​យុវជន និង​កីឡា តំណាង​សម្តេច​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​កម្ពុជា បាន​ធ្វើ​បទ​អន្តរាគមន៍​ដោយ​ឯកឧត្តម​ឧបនាយករដ្ឋមន្ត្រី បាន​រំលេច​ឡើង​នូវ​អាទិភាព​ចំនួន​បី ៖ ១. ការ​រក្សា​សន្តិភាព​ជា​មូលដ្ឋាន​គ្រឹះ​សម្រាប់​ការ​អភិវឌ្ឍ តាម​រយៈ​ការទូត កិច្ច​សន្ទនា និង​ការ​ប្រកាន់​យ៉ាង​ខ្ជាប់ខ្ជួន​នូវ​ច្បាប់​អន្តរជាតិ ។ ២. ការ​លើកកម្ពស់​សមភាព​យេ​ន​ឌ័​រ ការ​ការពារ​ពលករ​ទេស​សន្តរ​ប្រវេសន៍ និង​ការ​គាំពារ​ប្រជាជន​វ័យ​ចំណាស់ និង​៣. ការ​ពង្រឹង​ភាព​ធន់​នៃ​តំបន់​តាម​រយៈ​ការ​ធ្វើ​ឱ្យ​កាន់តែ​ស៊ីជម្រៅ​នូវ​កិច្ច​សហប្រតិបត្តិការ​លើ​សន្តិសុខ​ស្បៀង និង​ថាមពល សុខភាព​សាធារណៈ និង​បរិ​យា​បន្ន​ឌី​ជី​ថ​ល ។

ឯកឧត្តម ឧបនាយករដ្ឋមន្ត្រី បាន​សង្កត់ធ្ងន់​ថា ៖​ពលរដ្ឋ​ខ្មែរ​ដែល​ភៀស​សឹក ប្រមាណ​២០,០០០ នាក់ ត្រូវ​តែ​ទទួល​បានការ​អនុញ្ញាត​ឱ្យ​វិល​ត្រឡប់​ទៅ​កាន់​លំនៅ​ឋាន​របស់​ពួក​គាត់​វិញ ដោយ​គ្មាន​ការ​រារាំង​ព្រមទាំង​មាន​សុវត្ថិភាព និង​សេចក្តី​ថ្លៃថ្នូរ និង​មិន​មានការ​ពន្យារពេល​តទៅ​ទៀត ។

ក្នុង​ន័យ​នេះ ឯកឧត្តម​ឧបនាយករដ្ឋមន្ត្រី បាន​អំពាវនាវ​ឱ្យ​មានការ​អនុវត្ត​ឱ្យ​បាន​ពេញលេញ និង​ប្រកបដោយ​ប្រសិទ្ធភាព​នូវ​សេចក្តី​ប្រកាស​រួម ថ្ងៃ​ទី​២៧ ខែធ្នូ ឆ្នាំ​២០២៥ ជា​ពិសេស​ការ​ចាប់ផ្តើម​ឡើង​វិញ​ឱ្យ​បាន​ឆាប់​នូវ​ការងារ​វាស់វែង និង​បោះ​ខណ្ឌសីមា​ព្រំដែន​របស់​គណៈកម្មការ​ចម្រុះ​ខណ្ឌសីមា​ព្រំដែន​គោក (JBC) ស្រប​តាម​កិច្ចព្រមព្រៀង ដែល​មាន​ស្រាប់​រវាង​ប្រទេស​ទាំង​ពីរ ។

នៅ​ក្នុង​ជំនួប​ប្រមុខ​ដឹកនាំ​អាស៊ាន ជាមួយ​តំណាង​ក្រុមប្រឹក្សា​ធុរកិច្ច​អាស៊ាន ឯកឧត្តម​ឧបនាយករដ្ឋមន្ត្រី បាន​សម្តែង​ការ​កោតសរសើរ​ចំពោះ​ក្រុមប្រឹក្សា​ធុរកិច្ច​អាស៊ាន សម្រាប់​តួនាទី​ដ៏​សំខាន់​មិន​អាច​ខ្វះ​បាន និង​កិច្ច ខិតខំ​ប្រឹងប្រែង​ជា​បន្តបន្ទាប់ ក្នុង​ការ​ពង្រឹង​កិច្ច​សហប្រតិបត្តិការ​រវាង​វិស័យ​សាធារណៈ និង​ឯកជន ព្រមទាំង​ការ​ផ្តល់​អនុសាសន៍​ជាក់ស្តែង ដើម្បី​ជំរុញ​សមាហរណកម្ម​សេដ្ឋកិច្ច ភាព​ប្រកួតប្រជែង និង​កំណើន ប្រកបដោយ​បរិ​យា​បន្ន​របស់​អាស៊ាន ។

ឯកឧត្តម​ឧបនាយករដ្ឋមន្ត្រី ក៏​បាន​គូសបញ្ជាក់​ពី​អាទិភាព​សំខាន់​ៗ​មួយ​ចំនួន រួម​មានការ​ពង្រឹង​ភាព​ប្រកួតប្រជែង​របស់​សហគ្រាស​ខ្នាត​មីក្រូ តូច និង​មធ្យម ការ​ធ្វើ​ឱ្យ​សមាហរណកម្ម សេដ្ឋកិច្ច​អាស៊ាន​កាន់តែ​ផ្តល់​ផលប្រយោជន៍​ប្រសើរ​ជាង​មុន​ដល់​ធុរកិច្ច ការ​ព​ន្លឿ​ន​បរិវត្ត​កម្ម​ឌី​ជី​ថ​ល និង​ការ​ទទួលយក​បញ្ញា​សិប្បនិម្មិត​ប្រកបដោយ​ការ​ទទួលខុសត្រូវ ការ​ពង្រឹង​សន្តិសុខ​ស្បៀង និង​ថាមពល តាម​រយៈ​ការ​វិនិយោគ​ពី​វិស័យ​ឯកជន ព្រមទាំង​ការ​ធ្វើ​ពិពិធ​កម្ម​ប្រភព​កំណើនសេដ្ឋកិច្ច​ផ្សេង​ៗ ដើម្បី​ពង្រឹង​ភាព​ប្រកួត ប្រជែង​របស់​អាស៊ាន ។

ឯកឧត្តម​ឧបនាយករដ្ឋមន្ត្រី បាន​លើក​ឡើង​ពី​អាទិភាព​ចំនួន​បី ៖ ការ​ពង្រឹង​ការ​ចូលរួម​របស់​យុវជន ក្នុង​ការ​កសាង​សន្តិភាព ក្រោម​របៀបវារៈ​យុវជន សន្តិភាព និង​សន្តិសុខ ការ​កសាង​ប្រព័ន្ធ អេកូ​សេដ្ឋកិច្ច​ដែល​ផ្តល់​ជំនាញ ការ​ណែនាំ​ឱកាស​ការងារ​សមរម្យ និង​ការ​បង្កើត​អាជីវកម្ម​ថ្មី ដឹកនាំ​ដោយ​យុវជន និង​ការ​ធានា​ថា គ្មាន​យុវជន​ណា​ម្នាក់​ត្រូវ​បាន​ទុក​ចោល​ក្នុង​បរិបទ​នៃ​ការ​ផ្លាស់​ប្តូរ​ឌី​ជី​ថ​ល រួម​ទាំង​តាម​រយៈ​ការ​ប្រើ ប្រាស់​បញ្ញា​សិប្បនិម្មិត​ប្រកបដោយ​សុវត្ថិភាព និង​ទំនួល​ខុស​ត្រូវ ៕