បុរសម្នាក់ដួលស្លាប់នៅក្នុងផ្ទះ សង្ស័យដា.ច់សសៃឈាមខួរក្បាល ធុំក្លិនស្អុយទើបអ្នកភូមិដឹង
- បាត់ដំបង
ខេត្តបាត់ដំបង ៖ បុរសម្នាក់ទំនងបានស្លាប់នៅក្នុងផ្ទះម្នាក់ឯង យ៉ាងតិចចន្លោះពី៣ទៅ៤ថ្ងៃកន្លងមកហើយ រហូតដល់ធុំក្លិនស្អុយទើបអ្នកជិតខាងដឹង រួចក៏រាយការណ៍ទៅសមត្ថកិច្ច ដើម្បីចុះពិនិត្យ កាលពីល្ងាចថ្ងៃទី១៦ វិច្ឆិកា ស្ថិតនៅចំណុចភូមិវត្តលៀប សង្កាត់ចំការសំរោង ក្រុងបាត់ដំបង ដែលគេសង្ស័យដួលដាច់សសៃឈាម ។

របាយការណ៍សមត្ថកិច្ចបានឲ្យដឹងថា ជនរងគ្រោះឈ្មោះ ជា សុវណ្ណ ភេទប្រុស អាយុ៦៦ឆ្នាំ រស់នៅចំណុចកើតហេតុ ។ ជនរងគ្រោះស្នាក់នៅផ្ទះម្នាក់ឯង ហើយពុំមាននរណាបានដឹកថា គាត់កើតអ្វីទេ គេបាត់គាត់ប៉ុន្មានថ្ងៃមិនឃើញចេញចូលផ្ទះ ហើយផ្ទះក៏ចាក់សោជាប់រហូតទៀត ។ លុះធុំក្លិនស្អុយទើបមានការសង្ស័យ ហើយក៏រាយការណ័ប្រាប់សមត្ថកិច្ចតែម្ដង ។
អធិការក្រុងបាត់ដំបង លោក ពេជ្រ សារ៉ែន បានប្រាប់ថា ជនរងគ្រោះបានស្លាប់នៅក្នុងផ្ទះដោយចាក់ជាប់ពីខាងក្នុង ។ ជនរងគ្រោះស្នាក់នៅផ្ទះម្នាក់ឯង ហើយនៅពេលកើតហេតុពុំមានអ្នកដឹងទេ លុះធុំក្លិនស្អុយទើបអ្នកភូមិដឹង ហើយក៏បានរាយការណ៍ប្រាប់សមត្ថកិច្ច ។

លោក ពេជ្រ សារ៉ែន បានបញ្ជាក់ថា ជនរងគ្រោះទំនងដួលដាច់សសៃរឈាមខួរក្បាល ទើបបណ្ដាលឲ្យស្លាប់ ។ នេះបើតាមការសន្និដ្ឋានបឋមរបស់មន្ត្រីបច្ចេកទេស ដែលបានចុះពិនិត្យ ។

ប៉ុន្តែយ៉ាងណា ក្រោយបញ្ចប់ការពិនិត្យ មន្ត្រីជំនាញបានប្រគល់សាកសពជនរងគ្រោះជូនសាច់ញាតិធ្វើបុណ្យតាមប្រពៃណីហើយ ៕
ចែករំលែកព័តមាននេះ