ADផ្ទាំងផ្សព្វផ្សាយពាណិជ្ជកម្ម

Picture

សម្តេច​ធិ​បតី​ចូលរួម​កិច្ចប្រជុំ​កំពូល​ពាក់ព័ន្ធ​នៃ​កិច្ចប្រជុំកំពូល​អាស៊ាន​លើក​ទី​៤៩នៅ​ទីក្រុង​ម៉ានីល សាធារណរដ្ឋ​ហ្វី​លី​ពី​ន

3 ថ្ងៃ មុន
  • ភ្នំពេញ

រាជធានី​ភ្នំពេញ ​៖ ​តប​តាម​ការ​អញ្ជើញ​របស់​ឯកឧត្តម ហ៊ី​ឌី​ណា​ន់ រ៉ូ​ម៉ូ​ល​ដេ​ស ម៉ា​កូ​ស ជូ​ញៀ ប្រធានាធិបតី​នៃ​សា​ធារណ​រដ្ឋ​ហ្វី​លី​ពី​ន ក្នុង​នាម ​ជា​ប្រធាន​អាស៊ាន​ឆ្នាំ​២០២៦ នៅ​យប់​ថ្ងៃ​ទី​១៧ វិច្ឆិកា ឆ្នាំ​២០២៦ ​សម្តេច​មហា​បវរ​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​កម្ពុជា បាន​អញ្ជើញ​ដឹកនាំ​គណៈ ប្រតិភូ​ជាន់ខ្ពស់​ចូលរួម​កិច្ចប្រជុំ​កំពូល​ពាក់ព័ន្ធ​នៃ​កិច្ចប្រជុំ​កំពូល​អាស៊ាន​លើក​ទី​៤៩ នៅ​ទីក្រុង​ម៉ានីល សាធារណរដ្ឋ​ហ្វី​លី​ពី​ន ​។

យោង​តាម​សេចក្តី​ប្រកាស​ព័ត៌មាន​របស់​ក្រសួងការបរទេស និង​សហប្រតិបត្តិការ​អន្តរជាតិ​បាន​ឲ្យ​ដឹង​ថា ឯកឧត្តម​បណ្ឌិត​សភាចា​រ្យ ហង់​ជួន ណា​រ៉ុ​ន ឧបនាយករដ្ឋមន្ត្រី រដ្ឋមន្ត្រីក្រសួង​អប់រំ យុវជន និង​កីឡា តំណាង​ដ៏​ខ្ពង់ខ្ពស់​របស់ សម្តេច​ធិ​បតី​នាយក​រដ្ឋមន្ត្រី​បាន​អញ្ជើញ​ចូលរួម​កិច្ចប្រជុំ​កំពូល​អាស៊ាន​លើក​ទី​៤៩ និងកិច្ចប្រជុំ​កំពូល​ពាក់ព័ន្ធ នៅ​ថ្ងៃ​ទី​១៥-១៦ ខែវិច្ឆិកា ឆ្នាំ​២០២៦ ខណៈ​ពេល​ដែល​កម្ពុជា​កំពុង​ធ្វើ​ជា​ម្ចាស់ផ្ទះ រៀបចំ​កិច្ចប្រជុំ​កំពូល​ហ្វ្រ​ង់​កូ​ហ្វូ​នី​លើក​ទី​២០ នៅ​រាជធានី​ភ្នំពេញ​ ។

កិច្ចប្រជុំ​កំពូល​អាស៊ាន​លើក​ទី​៤៩ និង​កិច្ចប្រជុំ​កំពូល​ពាក់ព័ន្ធ​នេះ នឹង​បន្ត​កសាង​លើ​សមិទ្ធផល​ដែល សម្រេច​បាន​ក្រោម​ការ​ដឹកនាំ​របស់​ហ្វី​លី​ពី​ន ក្នុង​នាម​ជា​ប្រធាន​អាស៊ាន និង​ជំរុញ​កិច្ច​ខិតខំ​ប្រឹងប្រែង​រួម​គ្នា​ឆ្ពោះ ទៅ​រក​សហគមន៍​អាស៊ាន​ដែល​ផ្តោត​លើ​ប្រជាជន មាន​ភាព​ធន់ និង​ត្រៀមខ្លួន​សម្រាប់​អនាគត​ ។

កិច្ចប្រជុំ​កំពូលក៏​នឹង​ផ្តល់​វេទិកា​ដ៏​សំខាន់​មួយ​សម្រាប់​ថ្នាក់ដឹកនាំ​អាស៊ាន ដើម្បី​ព​ន្លឿ​ន​ការ​កសាង​​សហគមន៍​អាស៊ាន ផ្លាស់​ប្តូរ ទស្សនៈ​គ្នា​លើ​បញ្ហា​តំបន់ និង​អន្តរជាតិ និង​ពង្រឹង​ការ​ចូលរួម​ជាមួយ​ដៃគូ​សន្ទនា​របស់​អាស៊ាន និង​សហគមន៍ អន្តរជាតិ​ទាំង​មូលក្នុង​ការ​ដោះស្រាយ​បញ្ហា​ប្រឈម​ថ្មី​ៗ​ដែល​កំពុង​កើត​មាន និង​ចាប់​យក​កាលានុវត្តភាព​ថ្មី​ៗ​។

ក្នុង​ឱកាស​នៃ​កិច្ចប្រជុំ​កំពូល​ខាងលើ សម្តេច​ធិ​បតី​នាយក​រដ្ឋមន្ត្រី ក៏​នឹង​មាន​ជំនួប​ទ្វេភាគី​ជាមួយ​ថ្នាក់ដឹកនាំមួយ​ចំនួន ដើម្បី​ពង្រឹង​បន្ថែម​ទៀត​នូវ​ទំនាក់ទំនង​ទ្វេភាគី និង​ធ្វើ​ឱ្យ​កាន់​តែ​​ស៊ីជម្រៅ​នូវ​កិច្ច​សហប្រតិបត្តិការ​ដែលផ្តល់​ផលប្រយោជន៍​ទៅ​វិញ​ទៅ​មក ​៕