រាជធានីភ្នំពេញ ៖ ព្រឹកនេះ ថ្ងៃទី១៦សីហា ២០១១ អតីតឧត្តមសេនីយ៍ឯក និងជាមេបញ្ជាការកងអង្គរក្សសម្តេចជា ស៊ីម លោកឈឿន ចាន់ថន កំពុងត្រូវបានចៅក្រមសាលាដំបូងរាជធានីភ្នំពេញ ធ្វើការសាកសួរជាបន្តទៀត ដើម្បីឆ្លើយបំភ្លឺការជាប់ពាក់ព័ន្ធបទល្មើសមួយចំនួនរបស់ ខ្លួនបន្ទាប់ព្រះរាជអាជ្ញារងមាស ចន្ទពិសិដ្ឋ
រាជធានីភ្នំពេញ ៖ ព្រឹកនេះ ថ្ងៃទី១៦សីហា ២០១១ អតីតឧត្តមសេនីយ៍ឯក និងជាមេបញ្ជាការកងអង្គរក្សសម្តេចជា ស៊ីម លោកឈឿន ចាន់ថន កំពុងត្រូវបានចៅក្រមសាលាដំបូងរាជធានីភ្នំពេញ ធ្វើការសាកសួរជាបន្តទៀត ដើម្បីឆ្លើយបំភ្លឺការជាប់ពាក់ព័ន្ធបទល្មើសមួយចំនួនរបស់ ខ្លួនបន្ទាប់ព្រះរាជអាជ្ញារងមាស ចន្ទពិសិដ្ឋ បានសាកសួររួចហើយ កាលពីម្សិលមិញ។
ព្រះរាជអាជ្ញារង លោកមាស ចន្ទពិសិដ្ឋ បានធ្វើការចោទប្រកាន់អតីតឧត្តមសេនីយ៍ឯកឈឿន ចាន់ថន ២ករណី គឺ១-រក្សាអាវុធខុសច្បាប់, ២-ចេញប័ណ្ណបេសកកម្មគ្មានការអនុញ្ញាត ពីស្ថាប័នជាតិ (ក្រសួងការពារជាតិ) ។ ពេលនេះលោកស្រីចៅក្រម សែម ស័ក្តិកូឡា កំពុងធ្វើការសាកសួរលោកឈឿន ចាន់ថន បន្ត ដើម្បីឈានទៅធ្វើការស៊ើបអង្កេត និងជំនុំជម្រះ ។ អតីតឧត្តមសេនីយ៍ឯកឈឿន ចាន់ថន តាមនីតិវិធីត្រូវបានគេរំពឹងថា បន្ទាប់ពីចៅក្រមសាលាដំបូងរាជធានីភ្នំពេញសាកសួរចប់ នឹងត្រូវបញ្ជូនទៅកាន់តុលាការយោធាជាបន្តទៀត ។
សូមបញ្ជាក់ថា អតីតលោកឧត្តមសេនីយ៍ឯកឈឿន ចាន់ថន ហៅម៉ៅ បញ្ជាការកងអង្គរក្សសម្តេចអគ្គមហាធម្មពោធិសាលជា ស៊ីម បានត្រូវកម្លាំងកងរាជអាវុធហត្ថចាប់ខ្លួន កាលពីព្រឹកព្រលឹមថ្ងៃទី១៣ សីហា ២០១១ រួមជាមួយអង្គរក្ស៣នាក់ផ្សេងទៀតនៅក្នុងភូមិគ្រឹះ តម្លៃជិត១លានដុល្លាររបស់ខ្លួន លេខ៦៥ ផ្លូវលេខ៩៥ សង្កាត់បឹងកេងកងទី៣ ខណ្ឌចំការមន ។ ការចាប់ខ្លួនគួរឱ្យភ្ញាក់ផ្អើលនេះ គឺបន្ទាប់ពីមានព្រះរាជក្រឹត្យដកហូតឋានន្តរស័ក្តិ និងតួនាទីដែលឡាយព្រះហស្តេលខាដោយព្រះមហាក្សត្រកាល ពីថ្ងៃទី១២ សីហា មានន័យថា ការចាប់ខ្លួននេះធ្វើបន្ទាន់តែម្តង។ ជាមួយគ្នានេះ ក៏មានអនុក្រឹត្យតែងតាំងលោកឧត្តមសេនីយ៍ឯកយឹម លាង ឱ្យទទួលតំណែងជាមេបញ្ជាការកងអង្គរក្សជំនួសវិញ។
មានការកត់សម្គាល់ថា មុនមានការចាប់ខ្លួននេះ នៅជុំវិញភូមិគ្រឹះអតីតផ្កាយ៣រូបនេះ ក៏ត្រូវបានឡោមព័ទ្ធដោយកម្លាំងកងរាជអាវុធហត្ថរាប់សិប នាក់ផងដែរ។ ក្នុងប្រតិបត្តិការដ៏រំជើបរំជួលនេះ មន្ត្រីអ្នកអនុវត្តច្បាប់ដែលបានចុះផ្ទាល់ហាក់ដូចជាមានការ ប្រុងប្រយ័ត្ន ដោយសារតែមិនមានមន្ត្រីណាម្នាក់ហ៊ានបង្ហើបជាផ្លូវការពី ការចាប់ខ្លួនអតីតឧត្តមសេនីយ៍ឈឿន ចាន់ថន នេះទេ។ សមត្ថកិច្ចបានឃាត់ខ្លួនបុរស៣នាក់ផ្សេងទៀត ដែលជាអង្គរក្សរបស់លោកឈឿន ចាន់ថន គឺ១-ឈ្មោះប៉ក់ ស៊ា ២-ឈ្មោះពៅ មឿនចាន់ និង៣-ឈ្មោះជុំ ស្រស់។ សមត្ថកិច្ចក៏បានដកហូតអាវុធវែង-ខ្លីនៅភូមិគ្រឹះលោកឈឿន ចាន់ថន បានចំនួន១១ដើម ក្នុងនោះកាំភ្លើងវែង៧ដើម កាំភ្លើងខ្លី៤ដើម ដែលមានគ្រាប់កាំភ្លើងចម្រុះ១.៤០០គ្រាប់ និងឯកសណ្ឋាន ព្រមទាំងសម្ភារយោធាមួយចំនួនទៀត ៕
ចែករំលែកព័តមាននេះ