ប្រទេសអាល្លឺម៉ង់ ៖ ពិតជានឹកស្មានមិនដល់ ក្នុងទីផ្សារដែលមានការប្រកួតប្រជែងខ្លាំង ទីបំផុត ក្រុមហ៊ុនរថយន្តមែរសឺដែសដែលជារថយន្តអាល្លឺម៉ង់ធ្លាប់តែល្បីតាំងពីយូរមកហើយ បែរជាប្រកាសនាថ្ងៃទី១២ វិច្ឆិកា ពីការគ្រោងបិទបណ្ដារោងចក្រខ្លួននៅអាល្លឺម៉ង់ ប្រសិនបើមិនអាចលក់ទម្លាក់ថ្លៃឲ្យបានគ្រប់គ្រាន់ និងប្រកាសពីការផ្អាករាល់វិនិយោគក្នុងប្រទេស ។
ក្នុងបទសម្ភាសន៍ផ្ទៃក្នុងមួយ លោក MICHAEL SCHIEBE សមាជិកក្រុមដឹកនាំនាំក្រុមហ៊ុនMERCEDES BENZ ថ្លែងទៅកាន់
បុគ្គលិកក្រុមហ៊ុនថា យើងកំពុងស្ថិតក្នុងដំណាក់កាលដែលលំបាកបំផុត ដោយសារបញ្ហាពន្ធគយខ្ពស់ សម្ពាធលើតម្លៃ ការចុះខ្សោយនៃការលក់ចេញ និងការប្រកួតប្រជែងតឹងតែងបំផុត ពិសេសពីសំណាក់ចិន។ ពេលនេះ យើងត្រូវបង្ខំចិត្តពិនិត្យដោយប្រុងប្រយ័ត្នថា តើទីតាំងរោងចក្រណាខ្លះដែលយើងត្រូវបិទ ប្រសិនបើយើងមិនអាចកែប្រែរចនាសម្ព័ន្ធនៃតម្លៃរបស់យើងទេនោះ ។
ក៏ដូចជាក្រុមហ៊ុនរថយន្តយក្សដទៃៗទៀតរបស់អាល្លឺម៉ង់ មានក្រុមហ៊ុនBMW និង VOLKWAGEN ក្រុមហ៊ុនរថយន្តSTUT TGART ការលក់រថយន្តខ្លួននៅចិន មានការចុះថយដោយសារការប្រកួតប្រជែងនៃក្រុមហ៊ុនរថយន្តក្នុងស្រុកចិន។ ប្រសិនបើបណ្ដារោងចក្រក្នុងស្រុកត្រូវបិទ រថយន្តមែរសឺដែសម៉ាកថ្មី ៗនាពេលខាងមុខនឹងផលិតនៅបរទេសទាំងអស់។ ថ្នាក់ដឹកនាំក្រុមហ៊ុនមែរសឺដែសបេន ប្រកាសម្យ៉ាងទៀតពីការបញ្ឈប់ការវិនិយោគថ្មីទាំងអស់ សម្រាប់បណ្ដារោងចក្រនៅអាល្លឺម៉ង់ ប្រសិនបើគ្មានកិច្ចព្រមព្រៀងដែលអាចកាត់បន្ថយតម្លៃត្រូវបានរកឃើញទេនោះ ។
សម្រាប់បណ្ដាអ្នកជំនាញការខាងផ្នែករថយន្តថា ការប្រកាសនេះរបស់ក្រុមហ៊ុនរថយន្តមែរសឺដែសបែនជារឿងគួរឲ្យភ្ញាក់ផ្អើលខ្លាំង ជាសញ្ញាដែលថា ឧស្សាហកម្មរថយន្តអាល្លឺម៉ង់កំពុងប្រឈមមុខនឹងវិបត្តិធំបំផុតជាប្រវត្តិសាស្ត្រ ៕
ចែករំលែកព័តមាននេះ