ចុះបង្ក្រាបបទល្មើសនេសាទ ដុ.តកម្ទេ.ចចោលស្បៃមុងជិត៦០០ម៉ែត្រ និងលែងកូនត្រីចម្រុះ១៥០គីឡូ នៅដងស្ទឹងសិរីសោភ័ណ
- បន្ទាយមានជ័យ
ខេត្តបន្ទាយមានជ័យ ៖ មន្ត្រីរដ្ឋបាលជលផលចុះបង្ក្រាបបទល្មើសនេសាទ ត្រូវបានដុតកម្ទេចចោលស្បៃមុងជិត៦០០ម៉ែត្រនិងលែងកូនត្រីចម្រុះ១៥០គីឡូក្រាម នៅកាលពីថ្ងៃទី១២ ខែវិច្ឆិកា ឆ្នាំ២០២៦ នៅដងស្ទឹងសិរីសោភ័ណ ស្ថិតភូមិទឹកថ្លា សង្កាត់ទឹកថ្លា ក្រុងសិរីសោភ័ណ ។
លោក សរ ចិត្រា នាយរងផ្នែករដ្ឋបាលជលផលអូរជ្រៅបានឱ្យដឹងថា ជាការណែនាំពីនាយខ័ណ្ឌរដ្ឋបាលជលផលខេត្តបន្ទាយមានជ័យ មន្ត្រីជំនាញបានសហការជាមួយអាជ្ញាធរមូលដ្ឋានចុះបង្ក្រាបបទល្មើសនេសាទនៅចំណុចដងស្ទឹងសិរីសោភ័ណ(វាលឥន្ទ្រី)សង្កាត់ទឹកថ្លា និងសង្កាត់អូរអំបិល បង្ក្រាបបានលបស្បៃមុងចំនួន២៨មាត់ របាំងស្បៃមុងប្រវែង៥៦០ម៉ែត្រ បង្គោលដាក់ស្បៃមុង២២០ដើម និងលេងកូនត្រីចម្រុះទម្ងន់១៥០គីឡូក្រាម។
លោកបានបញ្ជាក់ថា ក្រោយមន្ត្រីជំនាញចុះបង្ក្រាបបទល្មើសនេសាទដងស្ទឹងសិរីសោភ័ណ ក្នុងភូមិសាស្គ្រសង្កាត់ទឹកថ្លា និងសង្កាត់អូរអំបិល រឹបអូសវត្ថុតាងបទល្មើសនេសាទបានយកទៅដុតកម្ទេចចោល ហើយមន្ត្រីជំនាញនៅតែបន្តចុះបង្ក្រាបបទល្មើសនេសាទជាបន្តបន្ទាប់ទៀត ដើម្បីលុបបំបាត់អោយអស់នៅបទល្មើសនេសាទដោយខុសច្បាប់។
លោក ស ចិត្រា បានណែនាំដល់ប្រជានេសាទទាំងអស់សូមបញ្ឈប់សកម្មភាពបទល្មើសនេសាទដោយខុសច្បាប់និងចូលរក្សាការពារមច្ចាជាតិអោយគង់វង់ព្រោះបទល្មើសនេសាទដោយដាក់ស្បៃមុងធ្វើអោយប៉ះពាល់កូនមច្ចាជាតិផុតពូជបាន ក្រោយកម្លាំងចម្រុះទប់ស្កាត់បទល្មើសនេសាទបាននៅបឹងទន្លេសាបនៅពេលនេះ គឺមច្ចាជាតិបានកើនឡើងរឺសំបូរជាងមុន ៕
ចែករំលែកព័តមាននេះ