សហរដ្ឋអាមេរិក ៖ អគារមួយបានបាក់ កាលពីថ្ងៃទី១១ វិច្ឆិកា នៅក្រុងញូវយ៉ក បណ្ដាលឲ្យមនុស្សស្លាប់យ៉ាងតិច២នាក់ និងរបួស១៧នាក់ ។
ក្រុមអ្នកជួយសង្គ្រោះនៃទីក្រុងនោះគូសបញ្ជាក់ថា អគារដែលបាក់នោះស្ថិតនៅសង្កាត់ BROOKLYN ។ ក្នុងចំណោមអ្នករបួសមានកុមារ៧នាក់ ក្នុងនោះ៤នាក់របួសធ្ងន់ ។ ពួកអ្នកជួយសង្គ្រោះមកទល់ពេលនេះ នៅមិនទាន់ដឹងពីមូលហេតុនៃការបាក់អគារនេះនៅឡើយ ហើយនោះជាកម្មវត្ថុនៃការស៊ើបអង្កេតមួយ ។
យោងតាមប្រមុខភ្នាក់ងារក្រុងទទួលបន្ទុកខាងអគារថា ពេលបាក់បណ្ដាកម្មករកំពុងជីកដីនៅទីនោះ។ អ្នកជួយសង្គ្រោះជាង២៥០នាក់ និងបណ្ដាបុគ្គលិកនៃភ្នាក់ងារសង្គ្រោះបន្ទាន់ បានធ្វើអន្តរាគមន៍នៅកន្លែងអគារបាក់នេះ ។ ប្រតិបតិ្តការជួយសង្គ្រោះអាចប្រើពេលយូរក្នុងការកាយគំនរបាក់បែក ។ ប្រតិបត្តិការរុករកកំពុងបន្ត ។ គេមិនទាន់ដឹងថា តើមានមនុស្សប៉ុន្មាននាក់ស្ថិតក្នុងតំបន់អគារបាក់នេះនៅឡើយ ៕
ចែករំលែកព័តមាននេះ