សង្គ្រាមអ៊ុយក្រែន ៖ ក្នុងការចរចាគ្នាថ្មីរវាងរុស្ស៊ី និងអ៊ុយក្រែននៅក្រុងអាប៊ូដាប៊ី អេមីរ៉ាត់អារ៉ាប់រួម កាលពីថ្ងៃទី១០ និង១១វិច្ឆិកា ក្រោមអាជ្ញាកណ្ដាលអាមេរិក លទ្ធផលនៃការចរចានោះ មានតែការព្រមព្រៀងលើការដោះដូរឈ្លើយសឹកគ្នា ដូចការចរចាលើកមុនៗដែរ ។
ការចរចានោះ ពុំសម្រេចបានការរីកចម្រើនណាមួយឡើយ ក្រៅពីការដោះដូរឈ្លើយសឹកគ្នា ។ បញ្ហាបទឈប់បាញ់គ្នា ក៏ដូចជាទំនាស់ដែនដី មិនមានការរីកចម្រើនទៅមុខទេ ដោយម្ខាងៗហាក់នៅប្រកាន់ជំហរដដែល ។ ភាគីទាំង២បានព្រមព្រៀងគ្នាលើគោលការនៃការដោះដូរអ្នកទោសគ្នាក្នុងចំនួនច្រើន ។ បេសកជនអាមេរិកលោក JARED KUSHNER ប្រកាសពីកិច្ចព្រមព្រៀងនោះដោយបញ្ជាក់ថា ចំនួនជាស្ថាពរនៃឈ្លើយសឹកដែលគ្រោងដោះដូរគ្នាកំណត់នាថ្ងៃទី១១ វិច្ឆិកា។
អ្នកចរចាសំខាន់របស់អ៊ុយក្រែន លោករូស្ទេមអ៊ូមេរ៉ូវ និងសមភាគីរុស្ស៊ី លោកវ្ល៉ាឌីមៀរ មីឌីនស្គី ក៏អះបអាងពីការដោះដូរនោះដែរ តែមិនបានផ្ដល់ការបញ្ជាក់ពីកាលបរិច្ឆេទ ឬទំហំនៃការដោះដូរគ្នានោះនៅឡើយ ។ ប្រធានាធិបតីអ៊ុយក្រែន លោកវ៉ូឡូឌីមៀរហ្សេឡេនស្គី គូសបញ្ជាក់កាលពីថ្ងៃទី១០ វិច្ឆិកា ថា បណ្ដាអ្នកចរចាពិភាក្សាគ្នាលើការដោះដូរឈ្លើយសឹកគ្នាម្ខាងៗ១០០០នាក់ ហើយអាចដល់១៥០០នាក់ ៕
ចែករំលែកព័តមាននេះ