រុស្សុី-អាមេរិក ៖ ក្រសួងការបរទេសរុស្សុី ប្រកាសនាថ្ងៃទី១១ វិច្ឆិកា ថា ឯកអគ្គរដ្ឋទូតរុស្សុីប្រចាំសហរដ្ឋអាមេរិក លោកអាឡិចសាន់ឌ័រដាតជីអេវ បានទទួលមរណភាពក្នុងជន្មាយុ៦៦ឆ្នាំ។ ក្នុងសេចក្ដីប្រកាសមួយចេញផ្សាយតាមបណ្ដាញសង្គមX ក្រសួងការបរទេសរុស្សុីគូសបញ្ជាក់ថា ឯកអគ្ករដ្ឋទូតរូបនោះស្រាប់តែស្លាប់ភ្លាមៗ។ ក្រសួងនោះ មិនបានផ្ដល់ភាពលម្អិតថែមទៀតពីមូលហេតុនៃការស្លាប់របស់ឯកអគ្ករដ្ឋទូតរូបនោះឡើយ។
សេចក្ដីប្រកាសថ្លៃងថា យើងមានការសោកស្ដាយចំពោះការបាត់បង់អ្នកការទូតដ៏ខ្លាំង និងមានបទពិសោធន៍មួយរូប ។ យើងសូមចូលរួមមរណៈទុក្ខដ៏សែនក្រៀមក្រំបំផុត ជាមួយសាច់ញាតិគ្រួសារលោកអាឡិចសាន់ឌ័រដាតជីអេវ ។ រូបលោកជាអ្នកធ្លាប់កាន់តំណែងជាច្រើន ក្នុងផ្ទៃក្រសួងការបរទេសរុស្សុី មុនពេលទៅជំនួស លោកអាណាតូលីអានតូណូវ ជាឯកអគ្គរដ្ឋទូតរុស្សុីប្រចាំសហរដ្ឋអាមេរិកកាលពីដើមឆ្នាំ២០២៥ បន្ទាប់ពីលោកត្រាំជាប់ឆ្នោតជាប្រធានាធិបតីអាមេរិក។
កាលពីមុន លោកធ្លាប់ធ្វើការនៅស្ថានទូតរុស្សុីប្រចាំក្រុងវ៉ាស៊ីនតោន កាលពីចុងទសវត្សឆ្នាំ២០០០ ហើយ៦ឆ្នាំក្រោយមក ជាឯកអគ្គរដ្ឋទូតរុស្សុីប្រចាំកាណាដា រវាងឆ្នាំ២០១៤ ទៅ២០២១ ៕
ចែករំលែកព័តមាននេះ