សហរដ្ឋអាមេរិក ៖ យោងតាមប្រភពពី Reuters នៅថ្ងៃទី១២ ខែវិច្ឆិកា បានរាយការណ៍ថា ក្រុមប្រឹក្សាភិបាលក្រុមហ៊ុនបន្ទះឈីប Nvidia កំពុងបើកកិច្ចប្រជុំបន្ទាន់មួយ កាលពីយប់ថ្ងៃពុធ (ម៉ោងនៅសហរដ្ឋអាមេរិក) ដើម្បីសម្រេចថា តើត្រូវដកហូតតំណែងជានាយកប្រតិបត្តិរបស់លោក Jensen Huang ឬយ៉ាងណា? ជុំវិញរឿងអាស្រូវពាក់ព័ន្ធនឹងចារកម្មចិន។
ប្រភពសិ្នទ្ធនឹងរឿងនេះ ដែលមិនបញ្ចេញឈ្មោះ បានប្រាប់ Reuters ខណៈក្រុមហ៊ុនផ្គត់ផ្គង់បន្ទះឈីប AI ឈានមុខគេនៅលើពិភពលោកមួយនេះ កំពុងដោះស្រាយបញ្ហាទំនាក់ទំនងស្នេហាលួចលាក់របស់លោក Jensen Huang ជាមួយស្ត្រីជាអ្នកជំនួញជនជាតិចិនឈ្មោះ Alice Huang ដែលទីភ្នាក់ងារស៊ើបការណ៍សម្ងាត់អាមេរិក (CIA) សង្ស័យថាជាភ្នាក់ងារចារកម្មចិន និងជាប់ពាក់ព័ន្ធនឹងការដឹកជញ្ជូនបន្ទះឈីបស្ថិតក្រោមការហាមឃាត់ទៅកាន់ប្រទេសចិន។
អ្វីដែលកាន់តែកក្រើកខ្លាំងទៀតនោះ កាលពីថ្ងៃពុធ កាសែត The New York Times បានចុះផ្សាយថា ក្រៅពីស្ដ្រីជនជាតិចិន Alice Huang លោក Jensen Huang ក៏មានទំនាក់ទំនងស្នេហាលួចលាក់ជាមួយអ្នកស្រី Kimberly Powell ដែលជាអនុប្រធានផ្នែកថែទាំសុខភាពរបស់ក្រុមហ៊ុន Nvidia ផងដែរ បន្ទាប់ពីកាសែតនេះ បានដកស្រង់សម្តីបុគ្គលិក ៥ នាក់នៅក្នុងក្រុមហ៊ុន Nvidia ។
ទោះយ៉ាងណាក៏ដោយ ទាំង Nvidia និងលោក Huang មិនទាន់មានប្រតិកម្មណាមួយឆ្លើយតបនឹងការចុះផ្សាយរបស់ The New York Times នៅឡើយទេ។ ដ្បិតកាលពីចុងសប្តាហ៏មុន លោកបានសារភាពប្រាប់បុគ្គលិក និងគ្រួសារថា លោកពិតជាមានភាពមិនស្មោះត្រង់ជាមួយភរិយា គឺលោកស្រី Lori Huang។
គួរបញ្ជាក់ថា កិច្ចប្រជុំបន្ទាន់ដែលធ្វើឡើងនេះ គឺជាការផ្លាស់ប្តូរជំហរដ៏ឆាប់រហ័ស បន្ទាប់ពីក្រុមប្រឹក្សាភិបាលទើបតែបង្ហាញទំនុកចិត្តលើលោក Huang កាលពីថ្ងៃអាទិត្យសប្តាហ៍មុន។ យោងតាមលក្ខន្តិកៈរបស់ក្រុមហ៊ុន Nvidia សមាជិកក្រុមប្រឹក្សាភិបាលអាចបោះឆ្នោតសម្រាប់សំឡេងភាគច្រើន ដើម្បីដកហូតតំណែងលោក Huang បានគ្រប់ពេល។ ជាមួយគ្នានោះ ក្រុមប្រឹក្សាភិបាលក៏កំពុងពិចារណាតែងតាំងនាយកប្រតិបត្តិបណ្តោះអាសន្ន និងសហការជាមួយក្រុមហ៊ុនជ្រើសរើសបុគ្គលិកជាន់ខ្ពស់ ដើម្បីស្វែងរកអ្នកជំនួសតំណែងនេះ។
ភាគហ៊ុនក្រុមហ៊ុន Nvidia បានធ្លាក់ចុះដល់ជាង ៨% ក្នុងការជួញដូរបន្ថែមម៉ោង បន្ទាប់ពីកាសែត Wall Street Journal បានរាយការណ៍ជាលើកដំបូងថា ក្រុមហ៊ុនកំពុងរៀបចំដកហូតតំណែងលោក Huang ។ ប្រសិនបើការខាតបង់ទាំងនោះនៅតែបន្ត ក្រុមហ៊ុន Nvidia នឹងបាត់បង់តម្លៃទីផ្សារប្រហែល ៦០០ ពាន់លានដុល្លារអាមេរិក ចាប់តាំងពីក្រុមប្រឹក្សាភិបាលបានប្រកាសពីការស៊ើបអង្កេតលើទំនាក់ទំនងលោក ជាមួយអ្នកជំនួញស្ត្រីជនជាតិចិនឈ្មោះ Alice Huang៕
ចែករំលែកព័តមាននេះ