សង្គ្រាមអ៉ីរ៉ង់ ៖ អ៉ីរ៉ង់គំរាមសងសឹកអឺរ៉ុប ។ លេខាធិការក្រុមប្រឹក្សាជាន់ខ្ពស់នៃសន្តិសុខជាតិអ៉ីរ៉ង់លោកម៉ូហ៍សេន រីហ្សែអ៉ី អះអាង កាលពីថ្ងៃទី១១ វិច្ឆិកា ថា អ៉ីរ៉ង់នឹងវាយប្រហារបណ្ដាមូលដ្ឋានយោធាអាមេរិក ក្នុងនោះ រួមទាំងនៅអឺរ៉ុបផងដែរ ប្រសិនបើមូលដ្ឋានទាំងនេះ ត្រូវបានប្រើដើម្បីវាយប្រហារប្រឆាំងអ៉ីរ៉ង់ ។
ក្នុងបទសម្ភាន៍មួយជាមួយទូរទស្សន៍លីបង់ AL MAYADEEN លោកម៉ូហ៍សេនរីហ្សែអ៉ីថ្លែងថា ប្រសិនបើបណ្ដាយន្តហោះចម្បាំងអាមេរិក ហោះចេញពីមូលដ្ឋានយោធាអាមេរិកណាមួយ ទោះជាស្ថិតនៅប្រទេសអឺរ៉ុបមួយក្ដី ឬពីតំបន់ឆ្ងាយមួយផ្សេងទៀត ដើម្បីទម្លាក់គ្រាប់បែកលើអ៉ីរ៉ង់ នោះយើងនឹងវាយប្រហារមូលដ្ឋានទាំងនេះ ។ លោកអះអាងទៀតថា ការតបតរបស់
អ៉ីរ៉ង់ចំពោះការវាយប្រហារថ្មីៗរបស់អាមេរិក នឹងសំដៅលើបណ្ដាទីតាំងយោធាអាមេរិកនៅតំបន់ឆ្ងាយៗ ក្នុងនោះមានទាំងបណ្ដាទីតាំងដែលយើងមិនធ្លាប់វាយប្រហារផងដែរ។ យើងអាចរហូតដល់វាយប្រហារលើកោះមួយចំនួន ដែលចាត់ទុកថាមី
ស៊ីលយើងវាយប្រហារមិនដល់ផងដែរ ។
បើរាប់ទាំងមូលដ្ឋានយោធានៅតួកគីផង សហរដ្ឋអាមេរិកមានមូលដ្ឋានយោធា៥០កន្លែងនៅអឺរ៉ុប ដោយមូលដ្ឋានទាំងនោះសុទ្ធតែស្ថិតក្នុងបណ្ដាប្រទេសជាសមាជិកអូតង់ ។ កាលពីខែមីនា ឆ្នាំ២០២៤ តាមតួលេខរបស់សភាអាមេរិកថា មានទាហានអាមេ
រិកដល់ជាង៦៧.០០០នាក់ ដាក់ពង្រាយនៅអឺរ៉ុបក្នុងនោះភាគច្រើននៅអាល្លឺម៉ង់ (៣៥.០៦៨នាក់) អ៉ីតាលី១២.៣៧៥នាក់ និងអង់គ្លេស១០.០៥៨នាក់ ។ ដែនដីបារាំងមិនទទួលទាហានអាមេរិកឡើយ ចាប់តាំងពីឆ្នាំ១៩៦៧មក ។
ប្រធានាធិបតីអាមេរិក លោកដូណាល់ត្រាំ ថ្លែងកាលពីថ្ងៃទី៩ វិច្ឆិកា ទៅកាន់បណ្ដាអ្នកកាសែតថា លោកវាយតម្លៃថា សង្គ្រាមជាមួយអ៉ីរ៉ង់ ពិតជាចប់ហើយខាងផ្នែកយោធា ។ លោកថា ខាងផ្នែកយោធាសង្គ្រាមនៅអ៉ីរ៉ង់ពិតជាចប់ហើយ ។ យើងប្រកាន់
យកការរក្សាស្ថានភាពដដែល ។ លោកបន្តទៀតថា អ៉ីរ៉ង់ត្រូវបានបង្ក្រាប តែលោកបញ្ជាក់ថា លោកនឹងស្វែងរកឲ្យឃើញដំណោះស្រាយរយៈពេលយូរមួយ ដើម្បីធានាថា កម្មវិធីនុយក្លេអ៊ែរអ៉ីរ៉ង់ត្រូវបំផ្លាញចោល។
ប្រមុខសេតវិមានលើកពីពាក្យពេចន៍ម៉ឺងម៉ាត់មួយចំនួនរបស់លោក ទាក់ទិននឹងការដកការគំរាមកំហែងរបស់លោក វាយប្រហារអ៉ីរ៉ង់ជាថ្មី ក្រោយការបោះឆ្នោតពាក់កណ្ដាលអាណត្តិនៅសហរដ្ឋអាមេរិក។ លោកថា អន្តរាគមន៍យោធាមួយហាក់លែងចាំបាច់ទៀតហើយ តែយើងត្រៀមបញ្ចេញសកម្មភាព ប្រសិនបើសភាពការណ៍មានការផ្លាស់ប្ដូរ ។
ចែករំលែកព័តមាននេះ