ទីបំផុត! បំបែ.កបានហើយសំណុំរឿងបុរសចិនម្នាក់ជិះម៉ូតូដេញតាមចោរលួ.ចប្រេង ត្រូវឃា.តករបា.ញ់ស្លា.ប់ ផ្អើលស្រុកភ្នំស្រួច
- កំពង់ស្ពឺ
ខេត្តកំពង់ស្ពឺ៖ ជនសង្ស័យចំនួន៩នាក់ ត្រូវបានកម្លាំងសមត្ថកិច្ចនគរបាលសហការបង្ក្រាបបានបន្តបន្ទាប់ ខណៈដែលជនសង្ស័យ បានធ្វើសកម្មភាពលួចយកប្រេងពីក្រុមហ៊ុន យកទៅលក់បន្ត ហើយជនជាតិចិនតាមទាន់ ក៏ទាញកាំភ្លើងបាញ់សម្លាប់តែម្តង។ សមត្ថកិច្ចបានបំបែកសំណុំរឿង ដោយមានការសហការចំនួន៣ខេត្ត បង្ក្រាបបានឃាតករ និងអ្នកពាក់ព័ន្ធបន្តបន្ទាប់ ។ ការបង្ក្រាបក្រុមជនសង្ស័យបានធ្វើឡើងកាលពីព្រឹកថ្ងៃទី១១ ខែវិច្ឆិកា ឆ្នាំ២០២៦។ គួររំលឹកថា បុរសចិនម្នាក់សង្ស័យជិះម៉ូតូតាមចោរលួ.ចប្រេង ត្រូវឃា.តករបា.ញ់ស្លា.ប់ ផ្អើលស្រុកភ្នំស្រួច
សមត្ថកិច្ចខេត្តកំពង់ស្ពឺ បានឱ្យដឹងថា ករណីឃាតកម្មគិតទុកជាមុន (កម្មករបើករថយន្ត របស់ក្រុមហ៊ុន លួចបូមប្រេងលក់ និងបាញ់ សម្លាប់ជនរងគ្រោះជាមេការ និងជាជនជាតិចិន) កាលពីវេលាម៉ោង៩និង៤៥នាទីព្រឹកថ្ងៃទី៩ ខែវិច្ឆិកា ឆ្នាំ២០២៦ នៅលើកំណាត់ផ្លូវលេខ ១៤២ ស្ថិតនៅក្នុងភូមិមាត់សាយ ឃុំតាំងស្យា ស្រុកភ្នំស្រួច ខេត្តកំពង់ស្ពឺ។
នៅមុនពេលកើតហេតុមានករណីឃាតកម្មដោយគិតទុកជាមុន (បាញ់សម្លាប់)បង្កដោយជនសង្ស័យ១នាក់មិនស្គាល់អត្តសញ្ញាណ ប្រើអាវុធខ្លី១ដើម។ ជនរងគ្រោះមាបឈ្មោះ HAN YUNMING MING ភេទប្រុសអាយុ៣៥ឆ្នាំ ជនជាតិចិន ជាបុគ្គលិកផ្នែកគ្រប់គ្រង សម្ភារ: និង ប្រេង តំបន់សេដ្ឋកិច្ច ពិសេស យីហោ( ជីង ឆឹង ) មានទីតាំងស្ថិតនៅក្នុងភូមិត្នោតព្រែក ឃុំតាំងស្យា ស្រុកភ្នំ
ស្រួច ខេត្តកំពង់ស្ពឺ ។ ស្លាកស្នាម: បាញ់ត្រូវចំទ្រូងខាងស្តាំ ធ្លាយមកចង្កេះខាងឆ្វេង ។
សមត្ថកិច្ចខេត្តកំពង់ស្ពឺ បានបន្តថា តាមការបំភ្លឺ ពីឈ្មោះ LIU LI CHAO ភេទប្រុស អាយុ៣៧ឆ្នាំ ជនជាតិចិន បានឲ្យដឹងថា មុនពេលកើតហេតុ មានចោរលួចប្រេងពីរថយន្តដឹកដីរបស់ក្រុមហ៊ុនដាក់ចូលក្នុងកាន ដឹកដោយម៉ូតូចេញតាមផ្លវច្រកលើភ្នំចេញមកក្រៅ ពេលនោះ ជនរងគ្រោះបានជិះម៉ូតូ ទៅមើលឃើញជនសង្ស័យម្នាក់ ជិះម៉ូតូដឹកប្រេង តាមផ្លូវគោយន្តលើភ្នំទៅត្បូង ជនរងគ្រោះបានជិះម៉ូតូដេញតាម រហូតដល់កន្លែងកើតហេតុតាមទាន់ ត្រូវជនសង្ស័យបាញ់បណ្តាលឲ្យស្លាប់ តែម្តង។ បន្សល់កន្លែងកើតហេតុរួមមាន ម៉ូតូមួយគ្រឿង ម៉ាកហុងដាC125 ស៊េរីឆ្នាំ២០២២ ស្លាកលេខកំពង់ចាម1F-3652 និងទូរស័ព្ទ១គ្រឿង ម៉ាកSAMSUNG ស៊េរីចាស់ (របស់ជនរងគ្រោះ)និងសំបកគ្រប់ K 54 មួយគ្រាប់។
សាកសពជនរងគ្រោះ ក្រោយពីការិយាល័យនគរបាលបច្ចេកទេសវិទ្យាសាស្ត្រ ពិនិត្យ រួចបានដឹកយកទៅតំកល់ នៅសាល
តំកលសពវត្តស្ទឹងមានជ័យ រាជធានីភ្នំពេញ រងចាំប្រគល់ឱ្យក្រុមគ្រួសារ ។
សមត្ថកិច្ចខេត្តកំពង់ស្ពឺបានបន្តទៀតថា បើយោងតាមការស្រាវជ្រាវស៊ើបអង្កេត បឋមសន្និដ្ឋានថា: ជាករណីផ្តើមចេញពីកម្ម
ករ បើករថយន្តបូមប្រេងលក់ ហើយដឹកប្រេងចេញទៅ ជនរងគ្រោះតាមទាន់ ក៏ប្រើអាវុធបាញ់សម្លាប់ជនរងគ្រោះ ហើយបើកម៉ូតូដឹកប្រេងគេចខ្លួនតែម្តង ។ ក្រោយហេតុការណ៍បានកើតឡើង ដោយអនុតាមបញ្ជាដឹកនាំឯកឧត្តម ឧត្តមសេនីយ៌ឯក ង៉េង ជួ ប្រធាននាយកដ្ឋាន នគរបាលព្រហ្មទណ្ឌ លោកឧត្តមសេនីយ៌ទោឃឹម សុកខៃស្នងការនគរបាលខេត្តកំពង់ស្ពឹ និង ដោយមានការសម្របសម្រួល ពីឯកឧត្តមព្រះរាជអាជ្ញា ខេត្តកំពង់ស្ពឺ ខេត្តព្រះសីហនុ លោកជំទាវព្រះរាជអាជ្ញាខេត្តកោះកុង ។
លោកឧត្តមសេនីយ៍ត្រីហ៊ុន មុន្នីរ័ត្ន អនុប្រធាននាយកដ្ឋាននគរបាលព្រហ្មទណ្ឌ និងលោកឧត្តមសេនីយ៍ត្រី សម សាក់ ស្នងការរង ផែនការងារនគរបាលព្រហ្មទណ្ឌ បានដឹកនាំ កម្លាំង ចុះប្រតិបត្តិការ បង្រា្កប ឃាត់ខ្លួនជនសង្ស័យសរុបចំនួន៩នាក់÷ នៅថ្ងៃទី៩ ខែវិច្ឆិកា ឆ្នាំ២០២៦ បានឃាត់ខ្លូនជនសង្ស័យចំនួន៦នាក់(អ្នកលួចបូមប្រេង) ៖
ទី១-ឈ្មោះ នន ណេង ភេទប្រុសអាយុ៣១ឆ្នាំ ស្នាក់នៅក្នុងក្រុមហ៊ុន (អ្នកបើកអាអិច)
ទី២-ឈ្មោះ ភួង សំណាង ភេទប្រុសអាយុ៥០ឆ្នាំ រស់នៅក្នុងភូមិកុមារពេទ្យ ឃុំអូរ ស្រុកភ្នំស្រួច (អ្នកបើកឡាន)
ទី៣-ឈ្មោះ ព្រិច បូរ៉ា ភេទប្រុសអាយុ២៦ឆ្នាំ ស្នាក់នៅក្នុងក្រុមហ៊ុន (អ្នកបើកឡាន)
ទី៤-ឈ្មោះ ឃុយ ធី ភេទប្រុសអាយុ៥៨ឆ្នាំ ស្នាក់នៅក្នុងក្រុមហ៊ុន (អ្នកបើកឡាន)
ទី៥-ឈ្មោះណុប សាក់ ភេទប្រុសអាយុ៣៥ឆ្នាំ ស្នាក់នៅក្នុងក្រុមហ៊ុន (អ្នកបើកឡាន)
និងទី៦-ឈ្មោះសួង សុនិត ភេទប្រុសអាយុ៤៥ឆ្នាំស្នាក់នៅក្នុងក្រុមហ៊ុន (អ្នកបើកឡាន) ។
ក្រោយសួរនាំ ជនសង្ស័យបានឆ្លើយសារភាពថា ពួកខ្លួនបានលួចបូមប្រេងលក់ឲ្យមេការឈ្មោះ ណាង ភេទប្រុស អាយុប្រហែល៣០ឆ្នាំ ជាអ្នកហៅអ្នកមកទិញ ក្នុង១កាន តម្លៃ៦ម៉ឺនរៀល ។
សមត្ថកិច្ចខេត្តកំពង់ស្ពឺ បានបន្ថែមទៀតថា ក្រោយពីទទួលបានចម្លើយសារភាពរបស់ក្រុមជនសង្ស័យរួចមក នៅថ្ងៃទី១០ ខែវិច្ឆិកា ឆ្នាំ២០២៦ កម្លាំងនគរបាល បានសហការជាមួយនគរបាលស្រុកកំពង់សីលា ខេត្តព្រះសីហនុ ធ្វើការឃាត់ខ្លួនជនសង្ស័យឈ្មោះមឿន សុខគា ភេទប្រុស អាយុ៤២ឆ្នាំ មានទីលំនៅក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ (មុខរបរ កម្មករសំណង់) ក្រោយឃាត់ខ្លួនបានសារភាពថា ពួកខ្លួនមានគ្នា៥នាក់ បានទៅទិញប្រេង ជាច្រើនលើក សរុប ប្រ
ហែលជាង២០០កាន ដោយទិញពីឈ្មោះណាង និង ឈ្មោះនន ណេង (ត្រូវឃាត់ខ្លួន)។
សមត្ថកិច្ចខេត្តកំពង់ស្ពឺ បានបន្ថែមឲ្យដឹងទៀតថា លុះរហូតដល់វេលាម៉ោង១១និង៤០នាទីព្រឹកថ្ងៃទី១១ ខែវិច្ឆិកា ឆ្នាំ២០២៦ នគរបាលបានសហការជាមួយនគរបាលខេត្តកោះកុង បន្តឃាត់ខ្លួនជនសង្ស័យចំនួន២នាក់ទៀត ទី១- ឈ្មោះឆាយ ផាត ហៅឆាយ សុផាត ភេទប្រុស អាយុ៤៤ឆ្នាំ មានទីលំនៅភូមិ២ សង្កាត់ដងទង់ ក្រុងខេមរភូមិន្ទ ខេត្តកោះកុង (ជាអ្នកបាញ់សម្លាប់ជនរងគ្រោះ) មុខរបរជាយោធា នៅវរសេនាតូចលេខ៣៣១ បាននាំខ្លួនទៅយកអាវុធខ្លីK54 លេខ 778809 ដែលលាក់ទុកក្នុងព្រៃ ។
ក្រោយឃាត់ខ្លួន ជនសង្ស័យដៃដល់បានសារភាពថា ខ្លួនពិតជាបានទៅទិញប្រេងពីកម្មករ ដែលបើកឡាននៅក្នុងការដ្ឋាន និង ជាអ្នកបាញ់សម្លាប់ជនរងគ្រោះ(ជនជាតិចិន) ដោយខឹងជនជាតិចិនជិះម៉ូតូ តាមទាន់ហើយធាក់ម៉ូតូខ្លួនឲ្យដួល និងទី២-ឈ្មោះជ័យ សីហា ភេទប្រុសអាយុ៤២ឆ្នាំ រស់នៅក្នុងភូមិ២ សង្កាត់ដងទង់ ក្រុងខេមរភូមិន្ទ ខេត្តកោះកុង ដកហូត ម៉ូតូហុងដាC.125ស៊េរី ឆ្នាំ២០១២ពណ៌ខ្មៅ (ម៉ូតូដឹកប្រេង) ។
បច្ចុប្បន្នក្រុមជនសង្ស័យទាំង៩នាក់ រួមជាមួយនឹងវត្ថុតាង នគរបាលបានកសាងសំណុំរឿងបញ្ជូនទៅ អយ្យការអមសាលាដំបូងខេត្តកំពង់ស្ពឺ ដើម្បីចាត់ការបន្តតាមផ្លូវច្បាប់ ៕
ចែករំលែកព័តមាននេះ