យោងតាមរូបភាពផ្សាយបន្តផ្ទាល់តាមទូរទស្សន៍រដ្ឋ អតីតប្រធានាធិបតីអេហ្ស៊ីប លោកហូស្នីមូបារ៉ាក់ ត្រូវបានបញ្ជូនជាថ្មីកាលពីព្រឹកថ្ងៃទី១៥ សីហា មកកាន់បណ្ឌិតសភាប៉ូលិសនាជាយក្រុងគែរជាកន្លែងធ្វើសវនាការកាត់ទោសលោកពីបទសម្លា.ប់ពួកបាតុករ និងពុករលួយ។
យោងតាមរូបភាពផ្សាយបន្តផ្ទាល់តាមទូរទស្សន៍រដ្ឋ អតីតប្រធានាធិបតីអេហ្ស៊ីប លោកហូស្នីមូបារ៉ាក់ ត្រូវបានបញ្ជូនជាថ្មីកាលពីព្រឹកថ្ងៃទី១៥ សីហា មកកាន់បណ្ឌិតសភាប៉ូលិសនាជាយក្រុងគែរជាកន្លែងធ្វើសវនាការកាត់ទោសលោកពីបទសម្លាប់ពួកបាតុករ និងពុករលួយ។
លោកមូបារ៉ាក់ អាយុ៨៣ឆ្នាំ បានបញ្ជូនតាមឧទ្ធម្ភាគចក្រមកចុះជិតបណ្ឌិតសភានោះ បន្ទាប់មកដឹកតាមរថយន្តពេទ្យមកដល់មាត់ទ្វារតុលាការ។ លោកមូបារ៉ាក់ត្រូវគេដាក់ឱ្យដេកលើគ្រែនៅកន្លែងជនជាប់ចោទ ហើយបាននិយាយយ៉ាងខ្លីទៅកាន់កូនប្រុសលោកទាំង២នាក់ដែលនៅក្បែរលោក។
សវនាការកាត់ទោសពីបទសម្លាប់ពួកបាតុករ និងពីបទពុករលួយប្រឆាំងអតីតប្រធានាធិបតីអេហ្ស៊ីប លោកហូស្នី មូបារ៉ាក់ ជាលើកដំបូងសម្រាប់មេដឹកនាំមួយរូបនៅតំបន់មជ្ឈិមបូព៌ាតាំងពីចាប់ផ្តើមចលនានិទាឃរដូវអារ៉ាប់ មកបើកធ្វើជាថ្មីនៅក្រុងគែរ កាលពី ថ្ងៃទី១៥ សីហា ក្រោមកិច្ចការពារសន្តិសុខយ៉ាងខ្ពស់។ កាលពីថ្ងៃទី៣ សីហា លោកមូបារ៉ាក់ត្រូវបាននាំ មកកាន់តុលាការពេលបើកសវនាការកាត់ទោសលោកដោយលោកដេកលើគ្រែពេទ្យ ហើយបដិសេធរាល់ការចោទប្រកាន់ ៕
ចែករំលែកព័តមាននេះ