រាជធានីភ្នំពេញ ៖ យុវជនម្នាក់ក្នុងចំណោមបក្សពួក៥នាក់ត្រូវបានកម្លាំងប៉ូលិស ខណ្ឌដង្កោ ធ្វើការឃាត់ខ្លួនកសាងសំណុំរឿងបញ្ជូនទៅតុលាការបន្ទាប់ពីពួកគេ ផឹកស្រាស្រវឹងវាយក្បាលនារីមេការបន្ទប់ខារ៉ាអូខេម្នាក់ បណ្តាលឱ្យបែកហូរឈាម ព្រោះតែខឹងស្ត្រីរូបនេះមិនចាក់បទចម្រៀងទាន់ចិត្តខ្លួន កុំម៉ង់ ដើម្បីច្រៀង។
រាជធានីភ្នំពេញ ៖ យុវជនម្នាក់ក្នុងចំណោមបក្សពួក៥នាក់ត្រូវបានកម្លាំងប៉ូលិសខណ្ឌដង្កោ ធ្វើការឃាត់ខ្លួនកសាងសំណុំរឿងបញ្ជូនទៅតុលាការបន្ទាប់ពីពួកគេផឹកស្រាស្រវឹងវាយក្បាលនារីមេការបន្ទប់ខារ៉ាអូខេម្នាក់ បណ្តាលឱ្យបែកហូរឈាម ព្រោះតែខឹងស្ត្រីរូបនេះមិនចាក់បទចម្រៀងទាន់ចិត្តខ្លួនកុំម៉ង់ ដើម្បីច្រៀង។
ហេតុការណ៍នេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី១២ សីហា ២០១១ នៅក្នុងបន្ទប់ខារ៉ាអូខេ និងភោជនីយដ្ឋានសែនរីករាយ ដែលមានទីតាំងស្ថិតនៅតាមបណ្តោយផ្លូវលេខ២០០៤ ភូមិត្រពាំងល្វា សង្កាត់កាកាប ខណ្ឌដង្កោ ។ ជនដៃដល់ឈ្មោះយិន ដារ៉ា អាយុ២៤ឆ្នាំ មុខរបរអ៊ុតទូរស័ព្ទ ស្នាក់នៅផ្ទះលេខ៦៨ ផ្លូវលេខ៣១៥ សង្កាត់បឹងកក់២ ខណ្ឌទួលគោក ឯបក្សពួក៤នាក់ទៀតគេចខ្លួនបាត់។ ចំណែកឯជនរងគ្រោះឈ្មោះយិន សៀកមួយ ភេទស្រី អាយុ២០ឆ្នាំ ជាមេការបន្ទប់ខារ៉ាអូខេនោះ មានទីលំនៅផ្ទះជួល ផ្លូវលេខ២០០៤ ភូមិត្រពាំងល្វា សង្កាត់កាកាប រងរបួសបែកក្បាល ។
តាមប្រភពព័ត៌មានបានឱ្យដឹងថា នៅមុនពេលកើតហេតុ ជនដៃដល់រួមជាមួយបក្សពួក៤នាក់ទៀតបានចូលទៅផឹកស៊ី និងច្រៀងខារ៉ាអូខេនៅក្នុងភោជនីយដ្ឋាន និងខារ៉ាអូខេ យីហោសែនរីករាយនោះ។ ពេលទៅដល់ជនដៃដល់ឈ្មោះយិន ដារ៉ា បានកុំម៉ង់បទចម្រៀងឱ្យស្ត្រីរងគ្រោះចាក់ឱ្យខ្លួនច្រៀង ប៉ុន្តែខណៈនោះដោយសារភ្ញៀវចូលច្រៀងច្រើន និងកុំម៉ង់បទចម្រៀងច្រើន ទើបចាក់តាមចិត្តដែលកុំម៉ង់នោះមិនទាន់ ហើយជននេះក៏ទាញក្បាលមេក្រូវាយនាងមេការតែម្តង៕
ចែករំលែកព័តមាននេះ