ខេត្តរតនគិរី ៖ គិតត្រឹមព្រឹកថ្ងៃទី២៦ ខែកញ្ញា ឆ្នាំ២០២៥ នេះស្ថានភាពកម្ពស់ទឹកទន្លេស្រែពកលំផាត់ ស្ថិតក្នុងកម្ពស់ទឹក ១៣,៦៧ម៉ែត្រ ។ នេះបើយោងតាមផេក…
ខេត្តរតនគិរី ៖ គិតត្រឹមព្រឹកថ្ងៃទី២៦ ខែកញ្ញា ឆ្នាំ២០២៥ នេះស្ថានភាពកម្ពស់ទឹកទន្លេស្រែពកលំផាត់ ស្ថិតក្នុងកម្ពស់ទឹក ១៣,៦៧ម៉ែត្រ ។ នេះបើយោងតាមផេក មន្ទីរព័ត៌មានខេត្តរតនគិរី បានប្រកាសនាព្រឹកថ្ងៃទី២៦ ខែកញ្ញានេះ ។
ស្ថានភាពទឹកជំនន់ទឹកភ្លៀង បានបង្កឱ្យរងផលប៉ះពាល់ស្រុកចំនួន២ គឺស្រុកលំផាត់ និងស្រុកកូនមុំ ក្នុងនោះ ស្រុកលំផាត់ ប៉ះពាល់ចំនួន៣ឃុំ មានប្រជាពលរដ្ឋរងផលប៉ះពាល់សរុបចំនួន៣.៤៦៧ គ្រួសារ និងស្រុកកូនមុំ ប៉ះពាល់ចំនួន ៥ឃុំ ប្រជាពលរដ្ឋរងផលប៉ះពាល់សរុប ចំនួន៩៨៣គ្រួសារ ។
អាជ្ញាធរ ក៏ដូចជាគណៈកម្មាធិការគ្រប់គ្រងគ្រោះមហន្តរាយខេត្ត កំពុងបន្តតាមដានស្ថានភាពទឹកជំនន់យ៉ាងយកចិត្តទុកដាក់ និងបានសម្របសម្រួលជម្លៀសប្រជាជនដែលងាយរងគ្រោះ មិនមានមធ្យោបាយ ទៅកាន់ទីទួលសុវត្ថិភាព បានចំនួន១៧៥គ្រួសារ ។
សូមបញ្ជាក់ នៅក្នុងភាពគ្រោះមហន្តរាយទឹកជំនន់នេះ ពុំបានបង្កឱ្យប្រជាពលរដ្ឋរងគ្រោះថ្នាក់ដល់អាយុជីវិតនោះទេ ៕
ចែករំលែកព័តមាននេះ