ខេត្តបន្ទាយមានជ័យ ៖ ថ្នាក់ដឹកនាំសង្ឃជាន់ខ្ពស់នៃខេត្តបន្ទាយមានជ័យបានបង្ហាញនូវទឹកចិត្តជ្រះថ្លា និងការយកចិត្តទុកដាក់ខ្ពស់ ចំពោះកងទ័ពដែលកំពុងឈរជើងការពារជាតិនៅតំបន់ជួរមុខ ។ ជាក់ស្តែងទូរទស្សន៍ជាតិ ខេត្តបន្ទាយមានជ័យ បានប្រកាសនាព្រឹកថ្ងៃទី២៦ ខែកញ្ញានេះថា…
ខេត្តបន្ទាយមានជ័យ ៖ ថ្នាក់ដឹកនាំសង្ឃជាន់ខ្ពស់នៃខេត្តបន្ទាយមានជ័យបានបង្ហាញនូវទឹកចិត្តជ្រះថ្លា និងការយកចិត្តទុកដាក់ខ្ពស់ ចំពោះកងទ័ពដែលកំពុងឈរជើងការពារជាតិនៅតំបន់ជួរមុខ ។
ជាក់ស្តែងទូរទស្សន៍ជាតិ ខេត្តបន្ទាយមានជ័យ បានប្រកាសនាព្រឹកថ្ងៃទី២៦ ខែកញ្ញានេះថា ៖ កាលពីរសៀលថ្ងៃព្រហស្បតិ៍ ទី២៥ ខែកញ្ញា ឆ្នាំ២០២៥ ព្រះសង្ឃថ្នាក់ដឹកនាំពីរអង្គ គឺព្រះអង្គសមណៈញាន ណាប់ ម៉ឺន ព្រះបាឡាត់គុណខេត្ត និងជាចៅអធិការវត្តគិរីជុំចំការខ្នុរ រួមទាំងព្រះសមណាភិរ័ត ប៉ោ សុឃឿន ព្រះគ្រូបច្ចឹមសីមាវាសី អនុគណក្រុងប៉ោយប៉ែត និងជាចៅអធិការវត្តនិមិត្តសុធីរ៉ាម (វត្តកូនដំរី) អមដំណើរដោយលោក បៀវ ថាន ប្រធានមន្ទីរធម្មការ និងសាសនាខេត្តបន្ទាយមានជ័យ បានដឹកនាំមន្ត្រីសង្ឃ និមន្តចុះសួរសុខទុក្ខ និងនាំយកគ្រឿងឧបភោគបរិភោគទៅប្រគេនចែកជូនដល់កងទ័ពជួរមុខ។
ការចុះសួរសុខទុក្ខនេះ ធ្វើឡើងនៅភូមិជោគជ័យ និងភូមិព្រៃចាន់ ដែលស្ថិតនៅក្នុងឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដោយមានការអមដំណើរពី លោក បៀវ ថាន ប្រធានមន្ទីរធម្មការ និងសាសនាខេត្តបន្ទាយមានជ័យផងដែរ ។
សកម្មភាពមនុស្សធម៌នេះ គឺដើម្បីចូលរួមលើកទឹកចិត្ត និងសម្ដែងការដឹងគុណចំពោះវីរៈភាពរបស់កងទ័ពដែលបានលះបង់កម្លាំងកាយចិត្តការពារសុខសន្តិភាព និងបូរណភាពទឹកដី ក្នុងនាមសាសនា គឺជាម្លប់ដ៏ត្រជាក់សម្រាប់ពលរដ្ឋ និងយុទ្ធជនគ្រប់រូប ៕
ចែករំលែកព័តមាននេះ