រាជធានីភ្នំពេញ៖ សហភាពសហព័ន្ធយុវជនកម្ពុជា (ស.ស.យ.ក.) បានរៀបចំពិព័រណ៍ផលិតផលក្នុងស្រុក ដ៏ធំមួយរយៈពេល៣ ថ្ងៃ ចាប់ពីថ្ងៃទី២៦ ដល់ថ្ងៃទី២៨ ខែកញ្ញា ឆ្នាំ២០២៥…
រាជធានីភ្នំពេញ៖ សហភាពសហព័ន្ធយុវជនកម្ពុជា (ស.ស.យ.ក.) បានរៀបចំពិព័រណ៍ផលិតផលក្នុងស្រុក ដ៏ធំមួយរយៈពេល៣ ថ្ងៃ ចាប់ពីថ្ងៃទី២៦ ដល់ថ្ងៃទី២៨ ខែកញ្ញា ឆ្នាំ២០២៥ នៅមជ្ឈមណ្ឌលពិព័រណ៍កោះពេជ្រ ។
ការពិព័រណ៍នេះរៀបចំឡើង ក្រោមប្រធានបទដ៏មានអត្ថន័យថា «ខ្មែរធ្វើបាន» ដើម្បីជាចលករជំរុញ និងលើកទឹកចិត្តដល់ប្រជាពលរដ្ឋឱ្យងាកមកគាំទ្រផលិតផលក្នុងស្រុក ឲ្យកាន់តែខ្លាំងក្លាឡើងថែមទៀត ។
កម្មវិធីនេះ គឺជា ឱកាសមាស មួយសម្រាប់សិប្បករ ម្ចាស់សហគ្រាសធុនតូច ធំ និងមធ្យមខ្មែរជាច្រើន ក្នុងការបង្ហាញនូវផលិតផលចម្រុះ និងសម្បូរបែបរបស់ខ្លួនទៅកាន់សាធារណជន ។
ពិព័រណ៍នេះ ទទួលបានការចូលរួមគាំទ្រ និងសហការពីភាគីពាក់ព័ន្ធជាច្រើន រួមមាន ស.ស.យ.ក. ក្រសួងពាណិជ្ជកម្ម ក្រសួងកសិកម្ម និងធនាគារជាតិ ព្រមទាំងតួអង្គសំខាន់ៗផ្សេងទៀតក្នុងវិស័យពាណិជ្ជកម្ម ។
ការជំរុញ និងគាំទ្រផលិតផលដែលផលិតដោយសមត្ថភាពកូនខ្មែរផ្ទាល់ មិនត្រឹមតែជាការលើកស្ទួយ កិត្យានុភាពជាតិ ប៉ុណ្ណោះទេ ប៉ុន្តែក៏ជាការចូលរួមចំណែកយ៉ាងសំខាន់ក្នុងការ អភិវឌ្ឍសេដ្ឋកិច្ចជាតិ ប្រកបដោយចីរភាពទាំងពេលបច្ចុប្បន្ន និងទៅអនាគតផងដែរ ៕
ចែករំលែកព័តមាននេះ