ខេត្តមណ្ឌលគិរី ៖ កាលពីថ្ងៃទី២៣-២៤ ខែកញ្ញា ឆ្នាំ២០២៥ មន្ត្រីមន្ទីរអភិវឌ្ឍន៍ជនបទខេត្តមណ្ឌលគិរី បានចុះត្រួតពិនិត្យហេដ្ឋារចនាសម្ព័ន្ធផ្លូវជនបទ ដែលទទួលរងការខូចខាតយ៉ាងធ្ងន់ធ្ងរដោយសារជំនន់ទឹកភ្លៀង។ ការចុះត្រួតពិនិត្យនេះ គឺដឹកនាំដោយ…
ខេត្តមណ្ឌលគិរី ៖ កាលពីថ្ងៃទី២៣-២៤ ខែកញ្ញា ឆ្នាំ២០២៥ មន្ត្រីមន្ទីរអភិវឌ្ឍន៍ជនបទខេត្តមណ្ឌលគិរី បានចុះត្រួតពិនិត្យហេដ្ឋារចនាសម្ព័ន្ធផ្លូវជនបទ ដែលទទួលរងការខូចខាតយ៉ាងធ្ងន់ធ្ងរដោយសារជំនន់ទឹកភ្លៀង។
ការចុះត្រួតពិនិត្យនេះ គឺដឹកនាំដោយ លោក ធន សារី ប្រធានមន្ទីរអភិវឌ្ឍន៍ជនបទខេត្ត រួមជាមួយ លោក សួង សំណាង ប្រធានការិយាល័យផ្លូវជនបទ និង លោក ស៊ន វុត្ថា ប្រធានការិយាល័យអភិវឌ្ឍន៍សេដ្ឋកិច្ចជនបទ។
លទ្ធផលនៃការត្រួតពិនិត្យ បានបង្ហាញថា ជំនន់ទឹកភ្លៀងបានបង្កផលប៉ះពាល់ដល់ផ្លូវជនបទ ចំនួន ០៥ ខ្សែ ដែលមានប្រវែងសរុប ៦៤.៦០០ ម៉ែត្រ ស្ថិតនៅក្នុងឃុំស្រែសង្គម ឃុំស្រែហ៊ុយ ឃុំអបួនលើ និងឃុំសុខសាន្ត នៃស្រុកកោះញែក ខេត្តមណ្ឌលគិរី។
បើតាមមន្ទីរអភិវឌ្ឍន៍ជនបទបានឲ្យដឹងថា ១-ការខូចខាតតួផ្លូវ (កាត់ផ្តាច់ចរាចរណ៍)
មានការហូរដាច់តួផ្លូវប្រវែងសរុប ៦០០ ម៉ែត្រ (កាត់ផ្តាច់ចរាចរណ៍ទាំងស្រុង) លើផ្លូវ ចំនួន ០១ ខ្សែ គឺ៖
ផ្លូវលេខ 016-T1 (ចាប់ពីផ្សារកោះញែកឆ្ពោះទៅកាន់ឃុំស្រែហ៊ុយ)។
២-ការខូចខាតជើងទេរផ្លូវ
មានការហូរច្រោះជើងទេរ ប្រវែងសរុប ១០.៣០០ ម៉ែត្រ លើផ្លូវ ចំនួន ០៥ ខ្សែ ។
មន្ត្រីជំនាញថា ការចុះពិនិត្យនេះ គឺដើម្បីវាយតម្លៃកម្រិតនៃការខូចខាតជាក់ស្តែង សម្រាប់ជាមូលដ្ឋានក្នុងការរៀបចំផែនការ និងស្វែងរកថវិកា ដើម្បីជួសជុលផ្លូវទាំងនោះឲ្យវិលត្រឡប់មកប្រើប្រាស់ជាធម្មតាវិញ និងស្តារជីវភាពរបស់ប្រជាពលរដ្ឋនៅក្នុងតំបន់រងគ្រោះឡើងវិញ៕
ចែករំលែកព័តមាននេះ