សង្គ្រាមអ៉ីរ៉ង ៖ ជិត៧ខែ ក្រោយពីមានការឈប់បាញ់គ្នា កងឆ្មាំបដិវត្តន៍អ៉ីរ៉ង់បានបង្ហាញកម្លាំងជាថ្មី ។ នាយសេនាធិការកងទ័ពនិងប្រមុខកងកម្លាំងអាកាសរបស់កងឆ្មាំបដិវត្តន៍អ៉ីរ៉ង់ កាលពីថ្ងៃទី១០ វិច្ឆិកា បានបង្ហាញនូវអ្វីដែលជាទីក្រុងក្រោមដីថ្មីនៃមី
ស៊ីលនៅក្រោមបាតភ្នំ ។
មីស៊ីលថ្មីមួយ ក៏ត្រូវបានបង្ហាញផងដែរ តែបណ្ដាអ្នកទទួលខុសត្រូវយោធាអ៉ីរ៉ង់មិនផ្ដល់ភាពលម្អិតឡើយ ។ ការបង្ហាញនោះ ធ្វើឡើងពេលភាពតានតឹងនៅតែមានបន្តនៅមជ្ឈឹមបូព៌ា និងនៅច្រកសមុទ្រហ័រមូស ។ យោងតាមកងឆ្មាំបដិវត្តន៍អ៉ីរ៉ង់ថា នាវាដឹកប្រេងធំ២គ្រឿងថ្មីទៀត បានប៉ះគ្រាប់មីន និងរងការវាយប្រហារដោយដ្រូន ហើយបច្ចុប្បន្នកំពុងមានភ្លើងឆេះ ។ អ៉ីរ៉ង់ក៏បដិសេធដែររាល់ការជួបគ្នា រវាងអនុប្រធានាធិបតីអាមេរិកលោកឌីជីវ៉ាន និងលោកម៉ូហ៍សេនរីហ្សៃអ៉ី ដែលដឹកនាំក្រុមប្រឹក្សាជាន់ខ្ពស់នៃសន្តិសុខជាតិអ៉ីរ៉ង់ ដែលរឿងនោះ ត្រូវបានលើកឡើងដោយសារព័ត៌មានមួយចំនួន ។
ម្យ៉ាងទៀត គេបាននិយាយកាន់តែច្រើនឡើងលើការចាកចេញរបស់អ៉ីរ៉ង់ពីសន្ធិសញ្ញាហាមសាយភាយនុយក្លេអ៊ែរ និងរហូតដល់និយាយពីការកសាងអាវុធនុយក្លេអ៊ែររបស់ប្រទេសនោះផង ក្រោយសង្គ្រាម១២ថ្ងៃ កាលពីខែមិថុនា ឆ្នាំ២០២៥ និងសង្គ្រាម៤០ថ្ងៃ នាខែមីនា និងមេសាកន្លងទៅនេះ ។
លោកត្រាំថា អាមេរិកឈ្នះសង្គ្រាមលើអ៉ីរ៉ង់
តាមប្រធានាធិបតីអាមេរិក លោកដូណាល់ត្រាំ ថា ការវាយប្រហារថ្មីលើអ៉ីរ៉ង់ប្រហែលជានឹងលែងមានទៀតហើយ លើកលែងតែក្រុងតេហេរ៉ង់បដិសេធកិច្ចព្រមព្រៀងមួយ ។ អ៉ីរ៉ង់ទាមទារឲ្យលុបចោលបណ្ដាទណ្ឌកម្ម និងរាល់ការបិទខ្ទប់មុនរាល់ការចរចា ដែលរដ្ឋមន្ត្រីការបរទេសអាមេរិក លោកម៉ាកូរ៉ូប៊ីយ៉ូនិយាយថា មិនឃើញមានការរីកចម្រើនឡើយ ។ លោកត្រាំថ្លែងកាលពីថ្ងៃទី៨ វិច្ឆិកា ថា យើងបានឈ្នះសង្គ្រាមនៅអ៉ីរ៉ង់ ហើយពេលនេះនៅសល់តែការចុះហត្ថខាលើកិច្ចព្រមព្រៀងមួយប៉ុណ្ណោះ។លោកក៏អះអាងផងដែរថា អ៉ីរ៉ង់រលំរលាយខាងផ្នែកហិរញ្ញវត្ថុ និងយោធា ។
លោកបន្តថា អាមេរិកមាននាវាផ្ទុកយន្តហោះដល់៣គ្រឿងដាក់ពង្រាយ ក្នុងតំបន់និងកំណត់បណ្ដាគោលដៅជាហេដ្ឋារចនា សម្ព័ន្ធ ក្នុងនោះ មានបណ្ដាមជ្ឈមណ្ឌលអគ្គិសនី និងស្ពាន។ ប្រធានាធិបតីអាមេរិកគំរាមម្យ៉ាងទៀតថា សេចក្ដីសម្រេចចុងក្រោយលើការវាយប្រហារថ្មីជាយថាហេតុ ពឹងលើថាតើអ៉ីរ៉ង់ចុះហត្ថបលេខា ឬអត់លើកិច្ចព្រមព្រៀងរឹងមាំបំផុតមួយ។
លោកបន្តថា យើងកំណត់ពីស្ពាន៣៨របស់អ៉ីរ៉ង់ដែលស្ថិតក្នុងគម្រោងវាយប្រហាររបស់យើង ដែលអាចកម្ទេចក្នុងពេលត្រឹម
១ម៉ោង ។ ការកសាងឡើងវិញ បណ្ដាហេដ្ឋារចនាសម្ព័ន្ធអ៉ីរ៉ង់អាចប្រើពេលដល់១ទសវត្ស ។ ប្រសិនបើចាំបាច់យើងនឹងវាយប្រហារអ៉ីរ៉ង់ខ្លាំងក្លាបំផុត ៕
ចែករំលែកព័តមាននេះ