បុរសម្នាក់តាមស្រលាញ់នារីភេ.ទទី៣ មិនបាន តាមរករឿង និងលួ.ចទូរស័ព្ទ ចុងក្រោយត្រូវជាប់ខ្នោះ
- ភ្នំពេញ
រាជធានីភ្នំពេញ ៖ បុរសម្នាក់ដែលតាមស្រលាញ់នារីភេទទី៣មិនបាន ហើយរករឿងយកកាំបិតគំរាមកំហែងនិងលួចយកទូរស័ព្ទគេចខ្លួន ត្រូវបានកម្លាំងនគរបាលបាលខណ្ឌឫស្សីកែវស្រាវជ្រាវឃាត់ខ្លួនបានហើយ។
តាមនគរបាលបានអោយដឹងថា បន្ទាប់ពីមានការផ្សព្វផ្សាយតាមបណ្តាញសង្គមថា មានករណីភ្ជង់ប្លន់យកទូរស័ព្ទ នៅសង្កាត់គីទ្បូម៉ែត្រលេខ៦ ខណ្ឌឫស្សីកែវរួចមក សមត្ថកិច្ចស្រាវជ្រាវឃាត់ខ្លួនជនសង្ស័យចំនួន០១នាក់ និងសួរនាំជនរងគ្រោះ ករណីនេះគឺជាករណីលួចយកទូរស័ព្ទ ហើយជនរងគ្រោះ និងជនសង្ស័យជាមនុស្សស្គាល់គ្នា ។
តាមប្រភពពីនគរបាលបានអោយដឹងទៀតថា នៅថ្ងៃទី៥ ខែវិច្ឆិកា ឆ្នាំ២០២៦ វេលាម៉ោង៥និង១០នាទីល្ងាច កម្លាំងអធិការដ្ឋាននគរបាលខណ្ឌឫស្សីកែវ បានស្រាវជ្រាវឃាត់ខ្លួនជនសង្ស័យ នៅចំណុចមាត់ប្រឡាយ ភូមិបឹងឈូក សង្កាត់គីទ្បូម៉ែត្រលេខ៦ ខណ្ឌឫស្សីកែវ ពាក់ព័ន្ធករណីលួចទូរស័ព្ទ ប្រព្រឹត្តបទល្មើសនៅចំណុចបន្ទប់ជួលលេខ៨ ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ ថ្ងៃទី៥ ខែវិច្ឆិកា ឆ្នាំ២០២៦ វេលាម៉ោង០២និង៣០នាទី រំលងអធ្រាត្រ។
ជនសង្ស័យរូបនោះ ឈ្មោះ សំ ប៊ុនធីម ភេទប្រុស ជនជាតិខ្មែរ អាយុ ៣៧ឆ្នាំ មុខរបរកម្មករ ស្នាក់នៅភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ ។ បន្ទាប់ពីឃាត់ខ្លួនជនសង្ស័យរួចមក សមត្ថកិច្ចដករហូតវត្ថុតាងចាប់យករួមមាន ទូរស័ព្ទ១គ្រឿងម៉ាក Techno 6Pro 5G ពណ៌ត្រួយចេក ។ បច្ចុប្បន្នជនសង្ស័យខាងលើកំពុងកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ