ជំនឿ៖ យោងតាមការចុះផ្សាយពីប្រភពបរទេស តាមជំនឿហុងស៊ុយ ផ្ទះដែលមានបរិយាកាសល្អ មិនចាំបាច់មានទំហំធំ ឬសម្ភារៈថ្លៃៗនោះទេ ប៉ុន្តែត្រូវមានភាពស្អាត មានពន្លឺគ្រប់គ្រាន់ ខ្យល់ចេញចូលល្អ និងធ្វើឱ្យអ្នករស់នៅមានអារម្មណ៍ស្រស់ស្រាយ។
សញ្ញាទី១ និងទី២ គឺផ្ទះមានពន្លឺធម្មជាតិចូលគ្រប់គ្រាន់ និងមានខ្យល់ចេញចូលល្អ មិនសូវស្អុយ ឬស្ទះខ្យល់។ លក្ខណៈទាំងនេះជួយឱ្យបរិយាកាសក្នុងផ្ទះស្រស់ថ្លា និងធ្វើឱ្យការរស់នៅមានផាសុកភាព។
សញ្ញាទី៣ និងទី៤ គឺច្រកចូលផ្ទះមានរបៀបរៀបរយ និងបន្ទប់នីមួយៗត្រូវបានរៀបចំឱ្យងាយស្រួលប្រើប្រាស់។ តាមជំនឿហុងស៊ុយ ច្រកចូលស្អាត និងមិនមានរបស់របររាំងផ្លូវ ត្រូវបានចាត់ទុកថាជាលក្ខណៈល្អសម្រាប់ការទទួលថាមពលវិជ្ជមាន។
សញ្ញាទី៥ និងទី៦ គឺផ្ទះស្អាត មិនសូវមានសំណើម ឬក្លិនមិនល្អ ហើយមានកន្លែងសម្រាកស្ងប់ស្ងាត់។ ការថែរក្សាផ្ទះឱ្យស្ងួតស្អាត និងរៀបចំបន្ទប់គេងឱ្យមានផាសុកភាព អាចជួយឱ្យសមាជិកគ្រួសារសម្រាកបានល្អ និងកាត់បន្ថយភាពតានតឹង។
សញ្ញាទី៧ ដែលសំខាន់បំផុត គឺសមាជិកគ្រួសារមានអារម្មណ៍សប្បាយរីករាយ សុខសាន្ត និងចង់ត្រឡប់មកផ្ទះវិញ។ ទោះជាផ្ទះមិនមានលក្ខណៈគ្រប់ទាំង៧ចំណុចក៏ដោយ ក៏មិនមែនមានន័យថាជាផ្ទះហុងស៊ុយអាក្រក់ ឬនាំសំណាងអាក្រក់នោះទេ។ អ្វីដែលសំខាន់ គឺការថែរក្សាផ្ទះឱ្យស្អាត មានសុវត្ថិភាព និងជាកន្លែងដែលគ្រួសាររស់នៅប្រកបដោយភាពកក់ក្តៅ៕
ចែករំលែកព័តមាននេះ