កុំប្រថុយ ! ពលរដ្ឋខ្មែរ ៧៨នាក់ ត្រូវភាគីថៃបញ្ជូនត្រឡប់មកវិញ ក្រោយឆ្លងដែនខុសច្បាប់
- បន្ទាយមានជ័យ
ខេត្តបន្ទាយមានជ័យ ៖ កុំប្រថុយប្រថានធ្វើការស៊ីឈ្នួលឆ្លងដែនខុសច្បាប់! នេះជាសភាពការណ៍ជាក់ស្តែងរបស់បងប្អូនខ្មែរយើង ៧៨នាក់ ដែលទើបត្រូវបានភាគីថៃបញ្ជូនមកវិញ ។
ជាក់ស្តែងប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត បានប្រកាសនាថ្ងៃទី៤ ខែវិច្ឆិកានេះថា ៖ អនុវត្តតាមប្រសាសន៍ណែនាំដ៏ខ្ពង់ខ្ពស់របស់ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្ដម ឧត្ដមសេនីយ៍ឯក សុខ វាសនា អគ្គនាយកអន្តោប្រវេសន៍ និងលោកឧត្ដមសេនីយ៍ទោ ស៊ឹម ចាន់ណាក់ ប្រធាននាយកដ្ឋានច្រកទ្វារទី១ ។
ថ្ងៃទី៤ ខែវិច្ឆិកា ឆ្នាំ២០២៦ វេលាម៉ោង១០:០០នាទីព្រឹក លោកវរសេនីយ៍ឯក ហេង សុវណ្ណ ឋានៈនាយរងប៉ុស្តិ៍ តំណាងលោកឧត្ដមសេនីយ៍ត្រី នាយប៉ុស្ដិ៍បានដឹកនាំក្រុមការងារប៉ុស្ដិ៍ទទួលពលរដ្ឋខ្មែរឆ្លងដែនខុសច្បាប់ពីអាជ្ញាធរថៃ ចំនួន ៧៨នាក់ ក្នុងនោះស្រី ២១នាក់ កុមារ ០៩នាក់។
ជាមួយគ្នានេះផងដែរ លោកវរសេនីយ៍ឯក ក៏បានចែកអាហារសម្រន់មានបាយ និងទឹកសុទ្ធព្រមទាំងដឹកជញ្ជូនពួកគាត់យកទៅប្រគល់ជូនមន្ត្រី នៃមជ្ឈមណ្ឌលសំចតប៉ោយប៉ែត ដើម្បីអនុវត្តនីតិវិធីបន្ត
ចែករំលែកព័តមាននេះ