កូរ៉េខាងជើង-អាមេរិក ៖ បន្ទាប់ពីការចោទប្រកាន់របស់ភ្នាក់ងារ FBI អាមេរិកប្រឆាំងក្រុងព្យុងយ៉ាង លើការលួចតាមប្រព័ទ្ធបច្ចេកវិទ្យា ប្អូនស្រីរបស់លោកគីម ជុងអ៊ុន លោកស្រីគីម ដេជុង មិនសំចៃមាត់ឡើយ ក្នុងការតបតទៅវិញ ដោយលោកស្រីសម្ដែងការមិនសប្បាយចិត្ត ចំពោះអ្វីដែលលោកស្រីហៅថា នយោបាយប្រទូស្តរ៉ាយមិនអាចអត់ឱនឲ្យបានរបស់ក្រុងវ៉ា
ស៊ីនតោន។
ដកស្រង់សម្ដីដោយទីភ្នាក់ងារព័ត៌មានកូរ៉េខាងជើង KCNA លោកស្រីគីម ដេជុង ថ្លែងថា ក្នុងការពិតបច្ចុប្បន្ន កិច្ចព្រមព្រៀងថ្មីៗត្រូវបានបង្កើតឡើង សម្រាប់អនុវត្តនយោបាយប្រទូស្តរ៉ាយរបស់អាមេរិកចំពោះកូរ៉េខាងជើង ហើយច្បាស់់ណាស់យើងក៏វាយបកតបតវិញដែរ ។
ប្អូនស្រីដ៏មានឥទ្ធិពលរបស់លោកគីម ជុងអ៊ុន កាលពីថ្ងៃទី៣ វិច្ឆិកា បានបរិហាររួចហើយ ការអះអាងរបស់FBIដែលថា កូរ៉េខាងជើងជាអ្នកនៅពីក្រោយការលួចប្រាក់ក្នុងទំហំដ៏ធំដល់៦,៣ពាន់លានដុល្លារ តាមរយៈ CRYPTOMONMONNAIES BINANCE ដោយអះអាងថា ក្រុងព្យុងយ៉ាងប្រឆាំងម៉ឺងម៉ាត់ចំពោះការវាយប្រហារខាងព័ត៌មានវិទ្យា ។
នាថ្ងៃទី៤ វិច្ឆិកា លោកស្រីបានវាយប្រហារជាថ្មី ដល់ក្រុងវ៉ាស៊ីនតោនថា យើងមិនចាត់ទុកឧប្បត្តិហេតុ លួចតាមបណ្ដាញBINANCE ជាយុទ្ធសាស្ត្រដាច់ដោយឡែកមួយឡើយ តែវាជាការពង្រីក នយោបាយប្រទូស្តរ៉ាយ របស់ក្រុងវ៉ាស៊ីនតោនចំពោះកូរ៉េខាងជើង ។ ច្បាស់ណាស់ ការចោទប្រកាន់ថ្មីនេះ ជាការប៉ុនប៉ងអាក្រក់ ធ្វើអាជីវកម្មរឿងនោះសម្រាប់បម្រើនយោបាយ ៕
ចែករំលែកព័តមាននេះ