អ៉ីស្រាអែល-អាមេរិក ៖ ប្រធានាធិបតីអាមេរិក លោកដូណាល់ត្រាំ ថ្លែងកាលពីថ្ងៃទី៣ វិច្ឆិកា ថា ក្រុងវ៉ាស៊ីនតោននឹងបញ្ឈប់ជំនួយយោធាជិត៤ពាន់លានដុល្លារក្នុង១ឆ្នាំដល់អ៉ីស្រាអែលចាប់ពីឆ្នាំ២០២៧ទៅ ។ លោកបានធ្វើការប្រកាសនោះទៅកាន់អ្នកបោះឆ្នោតអាមេរិក ដោយអំពាវនាវដល់ពួកគេឲ្យនាំគ្នាទៅបោះឆ្នោតពាក់កណ្ដាលអាណត្តិ ។
ថ្លែងតាមទូរស័ព្ទទៅកាន់ទូរទស្សន៍ FOX NEWS លោកត្រាំអះអាងថា អ៉ីស្រាអែលមិនត្រូវការប្រាក់នោះទៀតទេ តែអាមេរិកនៅបន្តលក់គ្រឿងសព្វាវុធឲ្យដល់សម្ព័ន្ធមិត្តជិតស្និទ្ធបំផុតនៅតំបន់មជ្ឈឹមបូព៌ានោះ។ លោកគូសបញ្ជាក់ថា នាយករដ្ឋមន្ត្រីអ៉ីស្រា
អែលលោកបេនចាមីននេតាន់យ៉ាហ៊ូ បានមកផ្ដល់គំនិតនោះដល់លោកហើយយើងបានពិភាក្សាគ្នាចាប់តាំងពីជាង២ឆ្នាំមកហើយ។
លោកត្រាំបន្តទៀតថា មើលចុះយើងផ្ដល់ឲ្យគេ៤ពាន់លានដុល្លារថ្លៃសម្ភារយោធានិងទឹកប្រាក់។ តែគេថា មិនត្រូវការទៀតឡើយ។ លោកក៏លើកឡើងដែរថា សេចក្ដីសម្រេចនោះក៏ទាក់ទិននឹងនយោបាយផងដែរ។ ជំនួយនោះបានក្លាយជាគោលដៅដែលងាយស្រួលបំផុតសម្រាប់ការរិះគន់នានា ។
ក្រុមលោកបេនចាមីននេតាន់យា់ហ៊ូ មិនទាន់មានប្រតិកម្មភ្លាមៗចំពោះការប្រកាសនោះរបស់លោកត្រាំនៅឡើយ។ ចំណែកមេដឹកនាំប្រឆាំងសំខាន់របស់អ៉ីស្រាអែលគឹលោកហ្គាឌីអីស៊ីនកូតលើកឡើងថា រឿងនោះវាគ្រោះថ្នាក់ណាស់ដែលក្បាលម៉ា
ស៊ីនការពារអ៉ីស្រាអែលទទួលព័ត៌មានពីការផ្លាស់ប្ដូរនេះពីបណ្ដាសារព័ត៌មានហើយលោកអំពាវនាវឲ្យមានការផ្លាស់ប្ដូរនាយករដ្ឋមន្ត្រី។ កិច្ចព្រមព្រៀងបច្ចុប្បន្នរយៈពេល១០ឆ្នាំ មានទឹកប្រាក់៣៨ពាន់លានដុល្លារ ត្រូវបានចុះហត្ថលេខាកាលពីឆ្នាំ២០១៦ ក្រោមប្រធានាធិបតីអាមេរិកលោកបារា់ក់អូបាម៉ាហើយត្រូវផុតក្នុងឆ្នាំ២០២៨ ៕
ចែករំលែកព័តមាននេះ