ខេត្តតាកែវ ៖ នៅថ្ងៃទី៣០ ខែតុលា ឆ្នាំ២០២៦ លោក យស់ ណាស៊ី ប្រធានក្រុមប្រឹក្សាខេត្ត និងលោក វ៉ី សំណាង អភិបាល នៃគណៈអភិបាលខេត្តតាកែវ ព្រមទាំងលោកស្រី បានអញ្ជើញជាអធិបតីភាពដ៏ខ្ពង់ខ្ពស់ក្នុង “ ពិធីសែនក្រុងពាលី ”បួងសួងសុំសេចក្តីសុខ សេចក្តីចម្រើន សម្រាប់ការរៀបចំប្រារព្ធពិធីបុណ្យអុំទូក បណ្តែតប្រទីប និងសំពះព្រះខែ អកអំបុកថ្នាក់ខេត្ត ព្រមទាំងពិធីសម្ពោធ ដាក់ឱ្យប្រើប្រាស់ជាផ្លូវការនូវ “រូបសំណាកបង្កង” តំណាងឱ្យខេត្តតាកែវ ។
ពិធីនេះត្រូវបានរៀបចំឡើងនៅបរិវេណសួនច្បារមាត់បឹងតាកែវ ដោយមានការចូលរួមយ៉ាងច្រើនកុះករពីសំណាក់ថ្នាក់ដឹកនាំខេត្ត កងកម្លាំងប្រដាប់អាវុធ មន្ត្រីរាជការគ្រប់លំដាប់ថ្នាក់ និងក្រុមកីឡាករ-កីឡាការិនីចំណុះទូកទាំង អស់ ។
ចំពោះការសម្ពោធ “រូបសំណាកបង្កង” នាពេលនេះ គឺជាសមិទ្ធផលថ្មីស្រឡាងមួយទៀត ដែលមិនត្រឹមតែលើកកម្ពស់សោភ័ណភាពក្រុងដូនកែវ ឱ្យកាន់តែស្រស់បំព្រងប៉ុណ្ណោះទេ ប៉ុន្តែថែមទាំងជាសញ្ញាសំគាល់តំណាងខេត្ត ក្នុងការទាក់ទាញភ្ញៀវទេសចរ ឱ្យមកទស្សនាកម្សាន្ត និងភ្លក្សរសជាតិបង្កង់ធម្មជាតិ ដ៏ល្បីល្បាញរបស់ខេត្តតាកែវយើងផងដែរ៕
ចែករំលែកព័តមាននេះ