ADផ្ទាំងផ្សព្វផ្សាយពាណិជ្ជកម្ម

Picture

អភិបាលខេត្ត​៖ ក្មួយ​ៗ​ត្រូវ​ខិតខំ​ប្រឹង​រៀនសូត្រ​ឱ្យ​ពូកែ​ពេល​ណា​យើង​ខ្លាំង​មិន​មាន​អ្នក​មើលងាយ​ឡើយ

3 អាទិត្យ មុន
  • កំពង់ចាម

ខេត្តកំពង់ចាម ៖ «​ក្មួយ​ៗ​ត្រូវ​ខិតខំ​រៀនសូត្រ​ឱ្យ​បាន​ពូកែ ហើយ​យកចំណេះ​ដឹង​ទាំង​ប៉ុន្មាន​ដែល​ខ្លួន​ចេះ​មក​បម្រើ​សង្គម​ជាតិ​ដែល​ធ្វើ​ឲ្យ​មានការ​រីក​ចម្រើន​ហើយ​បើ​យើង​ខ្លាំង​នោះ​មិន​មាន​អ្នក​ណា​មើលងាយ​នោះ​ទេ​» ។ នេះ​ជា​ប្រសាសន៍​លើក​ឡើង​ពី​សំណាក់​ឯកឧត្តមអ៊ុ​ន ចាន់​ដា អភិបាលខេត្ត​ក្នុង​ឱកាស​បើក​បវេសនកាល​ឆ្នាំ​សិក្សា ២០២៦-២០២៧ និង​ទិវា​ដឹងគុណ​គ្រូ​បង្រៀន ដោយ​ធ្វើ​ឡើង​នៅ​វិទ្យាល័យ​ព្រះ​សីហ​នុ ក្រុង​កំពង់ចាម នា​ព្រឹក​ថ្ងៃ​ទី​៣០ ខែតុលា ឆ្នាំ​២០២៦ ។ នា​ឱកាស​នោះ គឺ​មានការ​ចូលរួម​ពី​សំណាក់​សិស្សានុសិស្ស លោកគ្រូ​អ្នកគ្រូ សាលា​រដ្ឋ និង​ឯកជន​ព្រមទាំង​អង្គភាព​ពាក់ព័ន្ធ​ចូលរួម​ច្រើន​កុះ
ករ ។

ឯកឧត្តម​អភិបាលខេត្ត​មាន​ប្រសាសន៍​លើក​ឡើង​ថា រាជរដ្ឋាភិបាល​កម្ពុជា​បាន​យកចិត្តទុកដាក់​លើ​កំណែទម្រង់​វិស័យ​អប់រំ​តាំងពី​កម្រិត​មូលដ្ឋាន​ចំណេះដឹង​ទូទៅ ហើយ​ក៏​បាន​ដាក់​ចេញ​នៅ​យុទ្ធសាស្ត្រ​នានា ។ ជាក់ស្ដែង នៅ​ខេត្តកំពង់ចាម គឺ​មាន​សាលារៀន​ស្តង់ដា​ទំនើប​ដូច​នៅ​បែក​អឺរ៉ុប​ក្នុង​នោះ​មាន​សហរដ្ឋអាមេរិក​ជាដើម គឺ​បាន​រៀបចំ​ជា​ស្តង់ដារ​តែ​មួយ ហើយ​បាន​ណែនាំ​ដល់​ថ្នាក់​ក្រោម​ជាតិ​ក្នុង​ការ​ជំរុញ​លើកកម្ពស់​ដល់​ការ​សិក្សា បរិស្ថាន​ក្នុង​សាលា ដោយ​ឱ្យ​អាជ្ញាធរ​ពាក់ព័ន្ធ​ចូលរួម​ជាមួយនឹង​ការ​ធ្វើ​ប្រតិភូកម្ម​នានា​ក្នុង​ក្រុង​ស្រុក​ដោយ​ឲ្យ​គ្រប់គ្រង​មុខ​វា​លើ​សាលា​បឋម​សិក្សាការ​អប់រំ​ក្រៅ​ប្រព័ន្ធ​ម​ត្តេ​យ​សិក្សា ក្រៅពី​នោះ គឺ​អនុ​វិទ្យាល័យ​ស្ថិត​នៅ​ក្រោម​ការ​គ្រប់គ្រង​របស់​ខេត្ត ។

ឯកឧត្តម​អ៊ុ​ន ចាន់​ដា អភិបាលខេត្ត​បាន​បន្ត​ឲ្យ​ដឹង​ទៀត​ថា មាន​សាលា​កម្រិត​មន្ត្រី​រហូត​ដល់​កម្រិត​វិទ្យាល័យ​ដោយ​មាន​លោកនាយក​នាយករង​មួយ​ចំនួន​បាន​ចូល​និវត្ត​អ្នក​ឡើង​មក​ជំនួស​ដោយ​មានការ​គិតគូរ​ពី​រដ្ឋបាល​ខេត្ត​នៅ​ក្នុង​ខែវិច្ឆិកា​ខាង​មុខ និង​មានការ​រៀបចំ​ឲ្យ​មាន​នាយក​សាលា​ថ្មី ដើម្បី​បាន​ចូល​ទៅ​គ្រប់គ្រង​សាលារៀន​ឡើង​វិញ ។

ទន្ទឹម​និង​នោះ ត្រូវ​តែ​មានការ​ជំរុញ​ដល់​គ្រួសារ​ឲ្យ​មាន​សកម្មភាព​សមត្ថភាព​ទទួលយក​ចំណេះដឹង​តាម​រយៈ​ការ​ខិតខំ​ប្រឹងប្រែង​រៀនសូត្រ​ដោយ​ម្នាក់​ៗ​ត្រូវ​ជ្រើស​រើស​ចំណេះដឹង​ដែល​មាន​ក្នុង​នោះ​មាន​វិទ្យាសាស្ត្រ​សង្គម​និង​វិទ្យាសាស្ត្រ​ពេល​ណា​ដែល​មានចំណេះ​ដឹង​ពិតប្រាកដ​នៅ​ក្នុង​ខ្លួន​ពេល​ឡើង​ទៅ​ដល់​ថ្នាក់ឧត្តម​សិក្សា​គឺ​យើង​មាន​សមត្ថភាព​ពី​ចម្ងាយ​។ ក្នុង​នាម​រដ្ឋបាល​ខេត្ត​សូម​ស្នើ​ដល់​ក្មួយ​ៗ​ដែល​ជា​សិស្សានុសិស្ស​ត្រូវ​តែ​ខិតខំ​រៀនសូត្រ ដើម្បី​ក្លាយ​ខ្លួន​ជា​កូន​ល្អ សិស្ស​ល្អ មិត្ត​ល្អ មាន​ស្មារតី​ជាតិនិយម​ពេល​ណា​ដែល​យើង​ខ្លាំង​គេ​មិន​មើលងាយ​យើង​ឡើយ ។