ក្រុងប៉ោយប៉ែត ៖ ពិតជាគួរឱ្យខ្លោចផ្សាសម្រាប់ជីវិតក្មេងតូចម្នាក់ដែល កើតមកក្នុងត្រកូលអ្នកទីទ័លក្រ ហើយម្តាយធ្លាក់ខ្លួនជាស្ត្រីអនាថាដើរហិតកាវ កាយសំរាមរកចំណីទទួលទានតាមធុងសំរាមដែលគេដាក់តាមផ្លូវនៅច្រក ទ្វារអន្តរជាតិប៉ោយប៉ែត ។ តើជីវិតក្មេងតូចដែលមិនទាន់ដឹងក្តីនឹងទៅយ៉ាងណា?
ក្រុងប៉ោយប៉ែត ៖ ពិតជាគួរឱ្យខ្លោចផ្សាសម្រាប់ជីវិតក្មេងតូចម្នាក់ដែលកើតមកក្នុងត្រកូលអ្នកទីទ័លក្រ ហើយម្តាយធ្លាក់ខ្លួនជាស្ត្រីអនាថាដើរហិតកាវ កាយសំរាមរកចំណីទទួលទានតាមធុងសំរាមដែលគេដាក់តាមផ្លូវនៅច្រកទ្វារអន្តរជាតិប៉ោយប៉ែត ។ តើជីវិតក្មេងតូចដែលមិនទាន់ដឹងក្តីនឹងទៅយ៉ាងណា?
នៅច្រកទ្វារអន្តរជាតិប៉ោយប៉ែត បើគេសង្កេតទៅលើក្រុមក្មេងហិតកាវគឺសុទ្ធតែជាក្មេងប្រុសពុំមានស្រីទេ តែបច្ចុប្បន្នបែរជាមានអ្នកហិតកាវជាស្ត្រីម្នាក់ដែលមានកូនតូចអាយុប្រហែល២ឆ្នាំនៅជាប់តាមខ្លួនដោយបណ្តើរកូនផងហិតកាវផង ហើយពេលខ្លះដើរកាយតាមធុងសំរាមរកចំណី និងទឹកដែលសេសសល់យកមកទទួលទានជាមួយកូនតូចនោះមើលទៅជីវិតជាជនអនាថា ឬទុរគតនេះពិបាកក្នុងការយកភ្នែកមើលណាស់ ។
ស្ត្រី២នាក់ម្តាយនិងកូននេះ ពុំត្រូវគេស្គាល់អត្តសញ្ញាណទេ តែពេលថ្ងៃគេឃើញនាំកូនស្រីកាយធុងសំរាមរកចំណី ឯពេលយប់ឃើញដេកពាសវាលពាសកាលគ្មានទីកន្លែងពិតប្រាកដ ម្តងដេកត្រង់នេះ ម្តងដេកត្រង់នោះគ្មានមុងភួយឡើយ ។
ស្ត្រីអនាថា និងកូនបច្ចុប្បន្នត្រូវគេទុកឱ្យស្ថិតក្នុងសភាពដែលគ្មានវិធីដោះស្រាយទេ គឺនៅតែរស់តាមរបៀបកាយសំរាមរកទទួលទាន និងបណ្តើរកូនហិតកាវបង្អួតភ្ញៀវទេសចរបរទេសនៅច្រកទ្វារអន្តរជាតិប៉ោយប៉ែត ។ អ្វីដែលគួរឱ្យអនិច្ចានោះគឺកូន ប្រសិនបើអាជ្ញាធរ ឬសមត្ថកិច្ចមិនយកចិត្តទុកដាក់ទេ អនាគតរបស់គេនា
ពេលខាងមុខប្រាកដជាមានគ្រោះថ្នាក់សុខភាព ព្រោះតែកង្វះអនាម័យ និងកង្វះអាហារូបត្ថម្ភ នេះមិនទាន់និយាយដល់គ្រោះអវិជ្ជាពេលដឹងក្តីទេ ។
នៅក្រុងប៉ោយប៉ែតបច្ចុប្បន្នចំនួនក្មេងហិតកាវ និងជនអនាថាហាក់មានចំនួនកើនឡើង ខ្លះដេកតាមបរិវេណកាស៊ីណូ និងខ្លះដេកតាមតូបលក់ដូរនៅមុខវត្ត និងក្នុងវត្តបាលិលេយ្យ ៕
ចែករំលែកព័តមាននេះ