បាតុកម្មមួយប្រឆាំង «ការបង្ក្រាបយ៉ាងព្រៃផ្សៃ» របស់ប៉ូលិសអង់គ្លេសលើពួកបះបោរក្នុងទីក្រុងទាំងឡាយរបស់អង់គ្លេសកាលពីសប្តាហ៍មុនប្រមូលផ្តុំនិស្សិតអ៊ីរ៉ង់ប្រមាណជា២០០នាក់ កាលពីថ្ងៃទី១៤ សីហា នៅមុខស្ថានទូតអង់គ្លេសប្រចាំក្រុងតេហេរ៉ង់។
បាតុកម្មមួយប្រឆាំង «ការបង្ក្រាបយ៉ាងព្រៃផ្សៃ» របស់ប៉ូលិសអង់គ្លេសលើពួកបះបោរក្នុងទីក្រុងទាំងឡាយរបស់អង់គ្លេសកាលពីសប្តាហ៍មុនប្រមូលផ្តុំនិស្សិតអ៊ីរ៉ង់ប្រមាណជា២០០នាក់ កាលពីថ្ងៃទី១៤ សីហា នៅមុខស្ថានទូតអង់គ្លេសប្រចាំក្រុងតេហេរ៉ង់។
ក្រោមការតាមឃ្លាំមើលរបស់ប៉ូលិសប្រឆាំងកុប្បកម្មប្រមាណជា៥០នាក់ ពួកយុវជនទាំងនេះមួយចំនួនបានគប់ពងមាន់ ពងទា សំដៅលើប្លុកអគារស្ថានទូត។ កាលពីប៉ុន្មានថ្ងៃមុននេះប្រធានាធិបតីអ៊ីរ៉ង់ លោកម៉ាមូដ អាម៉ាឌីណឺហ្សាដ បានផ្តល់ការណែនាំដល់រដ្ឋាភិបាលអង់គ្លេស ដោយឱ្យរដ្ឋាភិបាលនេះកែប្រែឥរិយាបថកាចសាហាវរបស់ខ្លួន ជាមួយពួកបះបោរអង់គ្លេស។ លោកគូសបញ្ជាក់ថា តើប្រទេសនេះជាប្រទេសបែបណា ដែលចាត់ការចំពោះប្រជាជនខ្លួនបែបនេះ?រឿងអាក្រក់បំផុតគឺការវាយប្រហារដែលពុំអាចទទួលយកបានរបស់ប៉ូលិសប្រឆាំងប្រជាជនដែលគ្មានអាវុធ។
ប្រទេសអង់គ្លេសជាអ្នកធ្លាប់ថ្កោលទោសអ៊ីរ៉ង់យ៉ាងខ្លាំងក្នុងឱកាសនៃការបង្ក្រាបបាតុកម្ម ក្រោយជ័យជម្នះដែលមានភាពចម្រូងចម្រាស់របស់លោកអាម៉ាឌី ណឺហ្សាដ ក្នុងការបោះឆ្នោតប្រធានាធិបតីខែមិថុនា ឆ្នាំ២០០៩ ៕
ចែករំលែកព័តមាននេះ