រៀបចំផ្លូវចិត្តមុនត្រឡប់ទៅសហគមន៍! ពន្ធនាគារខេត្តបន្ទាយមានជ័យ ចុះអប់រំតម្រង់ទិសដល់ជនជាប់ឃុំជិត១០០នាក់
- បន្ទាយមានជ័យ
ខេត្តបន្ទាយមានជ័យ ៖ ត្រៀមខ្លួនធ្វើជាពលរដ្ឋល្អក្នុងសង្គម! ពន្ធនាគារខេត្តបន្ទាយមានជ័យ បើកវគ្គអប់រំចិត្តសាស្ត្រ និងសីលធម៌ដល់ជនជាប់ឃុំ ៩៥នាក់ ដែលជិតផុតកំណត់ទោស ។
នេះបើយោងតាមផេកអគ្គនាយកដ្ឋានពន្ធនាគារ បានប្រកាសនាយប់ថ្ងៃទី២៩ ខែតុលានេះថា ៖ ពន្ធនាគារខេត្តបន្ទាយមានជ័យ បានប្រជុំអប់រំដល់ជនជាប់ឃុំ ដែលជិតផុតកំណត់ទោស ទៅរស់នៅក្នុងសហគមន៍វិញ ។
អគ្គនាយកដ្ឋានពន្ធនាគារ បានបន្តថា ដោយទទួលបានការណែនាំពី លោកឧត្តមអគ្គានុរក្សថ្នាក់លេខ២ អ៊ុង ស៊ីផាន ប្រធានពន្ធនាគារខេត្តបន្ទាយមានជ័យ លោកវរអគ្គានុរក្សថ្នាក់លេខ២ អ៊ូ សុធី ប្រធានការិយាល័យអប់រំកែប្រែ និងស្តារនីតិសម្បទា ដឹកនាំលោកអនុប្រធានការិយាល័យ និងមន្ត្រីជំនាញ ចុះអប់រំដល់ជនជាប់ឃុំដែលជិតផុតកំណត់ទោស ចំនួន ៩៥នាក់ ក្នុងនោះស្ត្រី ១៧នាក់ ដែលមានខ្លឹមសារដូចខាងក្រោម ៖
- បទបញ្ជាផ្ទៃក្នុងរបស់ជនជាប់ឃុំ
- សីលធម៌ និងការរស់នៅក្នុងសង្គម
- ផលប៉ះពាល់នៃការប្រើប្រាស់គ្រឿងញៀនខុសច្បាប់
- ការថែរក្សាសុខភាព និងអនាម័យ ៕
ចែករំលែកព័តមាននេះ