ក្នុងសេចក្តីប្រកាសមួយក្រសួងមហាផ្ទៃអាហ្វហ្គានីស្ថានគូសបញ្ជាក់ថា ចំនួនមនុស្សដែលស្លា.ប់ក្នុងការវាយប្រហារអត្តឃាតមួយកាលពីថ្ងៃទី១៤ សីហា ប្រឆាំងការិយាល័យរបស់អភិបាលខេត្តប៉ាវ៉ាន នៅទីក្រុងចារីកា ទីប្រជុំជនខេត្តនេះស្ថិតនៅចម្ងាយ៥៥គីឡូម៉ែត្រពីក្រុងកាប៊ុលឡើងដល់២៥នាក់ ក្នុងនោះមានជនវាយប្រហារ៦នាក់។
ក្នុងសេចក្តីប្រកាសមួយក្រសួងមហាផ្ទៃអាហ្វហ្គានីស្ថានគូសបញ្ជាក់ថា ចំនួនមនុស្សដែលស្លាប់ក្នុងការវាយប្រហារអត្តឃាតមួយកាលពីថ្ងៃទី១៤ សីហា ប្រឆាំងការិយាល័យរបស់អភិបាលខេត្តប៉ាវ៉ាន នៅទីក្រុងចារីកា ទីប្រជុំជនខេត្តនេះស្ថិតនៅចម្ងាយ៥៥គីឡូម៉ែត្រពីក្រុងកាប៊ុលឡើងដល់២៥នាក់ ក្នុងនោះមានជនវាយប្រហារ៦នាក់។
សេចក្តីប្រកាសលាតត្រដាងថា ក្នុងការវាយប្រហារអត្តឃាតសំដៅលើការិយាល័យរបស់អភិបាលខេត្តប៉ាវ៉ានក្នុងទីក្រុងចារីកា នាវេលាម៉ោង១១ និង៣០នាទីម៉ោងក្នុងស្រុកមនុស្ស២៥នាក់ក្នុងនោះមានជនអត្តឃាត៦នាក់បានត្រូវស្លាប់។ និយោជិតស៊ីវិលនៃការិយាល័យអភិបាលខេត្ត១៤នាក់ និងប៉ូលិស៥នាក់ត្រូវស្លាប់។ ម្យ៉ាងវិញទៀតមនុស្ស៣៧នាក់ត្រូវរបួសក្នុងការវាយប្រហារទាំងនេះ។ ក្នុងចំណោមអ្នករបួសទាំងនោះមាននិយោជិតការិយាល័យអភិបាលខេត្ត៣៤នាក់ និងប៉ូលិស៣នាក់។
ជនអត្តឃាតម្នាក់ដែលបើករថយន្តបង្កប់គ្រឿងផ្ទុះបានធ្វើឱ្យរថយន្តនេះផ្ទុះនៅត្រង់ច្រកចូលការិយាល័យអភិបាលខេត្តដែលអាចឱ្យគ្នាគេលុកចូលខាងក្នុង។ ជនអត្តឃាត២នាក់ធ្វើឱ្យផ្ទុះនៅខាងក្នុងអគារដែលមានការិយាល័យនេះហើយ៣នាក់ទៀតត្រូវបាញ់សម្លាប់ដោយប៉ូលិសក្នុងការបាញ់តគ្នា។
អភិបាលខេត្តប៉ាវ៉ាន លោកអាប់ឌុល បាសៀរ សាឡានហ្ស៊ី នៅរស់រានមានជីវិតពីការវាយប្រហារនោះ។ នេះជាការវាយប្រហារលើកទី២ហើយប្រឆាំងអភិបាលខេត្តនោះ។ កាលពីថ្ងៃទី២១ មិថុនា កន្លងមកនេះការវាយប្រហារអត្តឃាតមួយកើតមាននៅក្បែរការិយាល័យរបស់លោកបណ្តាលឱ្យមនុស្សស្លាប់២នាក់ ៕
ចែករំលែកព័តមាននេះ