ឪពុកទៅធ្វើការបា.ត់ ម្តាយជាប់រវល់លក់ដូរក្នុងផ្ទះ ស្រាប់តែទទួលដំណឹងអកុស.លរឿងកូនតូចៗ២នាក់
- កោះកុង
ខេត្តកោះកុង ៖ សេចក្តីរាយការណ៍បឋមឲ្យដឹងថា នៅថ្ងៃទី២៨ ខែតុលា ឆ្នាំ២០២៦ មានករណីក្មេងប្រុសស្រី២ នាក់លង់ទឹកស្លាប់ ខណៈឪពុកបានចេញទៅធ្វើការ ម្តាយកំពុងជាប់រវល់លក់ដូរក្នុងផ្ឌះ ក្នុងនាមអ្នកអាណាព្យាបាលគួឲ្យសង្វេគណាស់ គ្រាន់តែមានការធ្វេសប្រហែសបន្តិច កុមារាអាយុ៣ ឆ្នាំ និងកុមារីអាយុ២ ដែលមាតាបីតាកំពុងពេញស្រឡាញ់ បបួលគ្នាដើរក៏លង់ ទឹករណ្តៅអណ្តូងបណ្តាលឲ្យស្លាប់បាត់បង់អាយុទាំងពីរនាក់។
ហេតុការណ៍ខាងលើនេះបានកើតឡើង នៅភូមិច្រកឬស្សី ឃុំជំនាប់ ស្រុកថ្មបាំង ខេត្តកោះកុង ដែលមានកុមាររងគ្រោះម្នាក់ឈ្មោះ សុជា រតនា ភេទប្រុស អាយុ៣ ឆ្នាំ មានឪពុកឈ្មោះ ជាតិ សុជា អាយុ២៤ ឆ្នាំ និងម្តាយឈ្មោះ ចាន់ ស្រីអូន អាយុ២២ ឆ្នាំ។ ចំណែក កុមារីរងគ្រោះម្នាក់ទៀតឈ្មោះ ចាន់អាន សុមុន្ថា អាយុ២ ឆ្នាំ ជាកូនរបស់ឈ្មោះ ចាន់ អាន អាយុ៣៦ ឆ្នាំ និងម្តាយឈ្មោះ អិន សេត អាយុ៤១ ឆ្នាំ។
ទាក់ទិនកុមារ២ នាក់លង់ទឹករណ្តៅអណ្តូងស្លាប់នោះ អ្នកអាណា ព្យាបាលក្មេងទាំងពីរបានរៀបរាប់ថា វេលាម៉ោងប្រមាណជាង៥ ល្ងាចថ្ងៃទី២៧ ខែតុលា ឆ្នាំ២០២៦ ជាម៉ោងដែលត្រូវអ្នកម្តាយពួកគេរើអីវ៉ាន់លក់ដូរដាក់ចូលក្នុងផ្ទះដូចសព្វដង ចំណែកឪពុកមិនទាន់មកពីធ្វើការវិញទេ។ កុមារានិងកុមារី២ នាក់ដែលមានផ្ទះ នៅជិតខាងគ្នា ក៏បបួលគ្នាដើរលេង ខណៈពេលម្តាយកំពុងជាប់ ដៃមមាញឹករៀបចំទុកដាក់អីវ៉ាន់ ស្រាប់តែទទួលបានដំណឹងគួឲ្យសង្វេគគឺកូនៗទាំង២ នាក់លង់ទឹករណ្តៅអណ្តូង ដែលស្ថិតនៅមិនបានចម្ងាយ៣០ម៉ែត្រពីផ្ទះផង បណ្តាលឲ្យបាត់បង់អាយុជីវិតទាំង២នាក់តែម្តង។
ក្រោយកើតហេតុសមត្តកិច្ចមូលដ្ឋាន និងគ្រប់ជំនាញស្រុក.ខេត្ត ក្រោមការសម្របសម្រួលពីស្ថាប័នអយ្យការអមសាលាដំបូងខេត្តកោះកុង បានចុះទៅដល់ពិនិត្យសាកសព រួចបានប្រគល់កុមាររងគ្រោះទាំង២ជូនឪពុកម្តាយធ្វើបុណ្យតាមប្រពៃណីរៀងៗខ្លួន៕
ចែករំលែកព័តមាននេះ