កុងតឺន័របុករះក្បាលនាគពុះចែកទ្រូងផ្លូវជាតិលេខ៤
- ព្រះសីហនុ
ខេត្តព្រះសីហនុ ៖ រថយន្តកុងទីន័រ១គ្រឿង បានបើកបរបុករះក្បាលនាគរបាំងពុះទ្រូងផ្លវ ជាតិលេខ៤ បណ្តាលរថយន្តខូចខាតធ្ងន់។
ហេតុការណ៍នេះបានកើតមានឡើងនៅថ្ងៃទី២៧ តុលា ឆ្នាំ២០២៦ វេលាម៉ោង ០៦និង៥០នាទី យប់ លើដងផ្លូវជាតិលេខ៤ ចន្លោះបង្គោលគីឡូម៉ែត្រលេខ ១៧៩-១៨០ ស្ថិតក្នុងភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ ។
តាមសមត្ថកិច្ចឲដឹងថា ករណីគ្រោះថ្នាក់ចរាចរណ៍នេះបង្កឡើងដោយខ្លួនឯង គឺរថយន្ដ១គ្រឿងម៉ាក FREIGHTLINER ពណ៌ខៀវ ពាក់ផ្លាកលេខ ភ្នំពេញ 3D-9040 និងសឺមីរ៉ឺម៉ក ពាក់ផ្លាកលេខ ព្រះសីហនុ 4A-1069 ដែលមានទិសដៅពីរាជធានីភ្នំពេញ ឆ្ពោះទៅ ខេត្តព្រះសីហនុ និងអ្នកបើកបរមិនទាន់ស្គាល់អត្តសញ្ញាណ ។ លុះមកដល់ចំណុចកើតហេតុខាងលើ បានបើកបរក្នុងល្បឿនលឿន រួចបានបុកខឿនចែកទ្រូងផ្លូវតែម្ដង។ ករណីគ្រោះថ្នាក់ចរាចរណ៍ខាងលើនេះមិនបណ្ដាលឱ្យ មានមនុស្សរងរបួសទេ ។
បច្ចប្បន្ន វត្ថុតាង (រថយន្ដ) បានស្ទូចយកមករក្សាទុកជាបណ្ដោះអាសន្ននៅអធិការដ្ឋាននគរបាលស្រុកព្រៃនប់ ។ចំណែកអ្នកបើកបររថយន្ដបានចេញពីកន្លែងកើតហេតុបាត់មុនពេលសមត្ថកិច្ចទៅដល់ ។
សូមបញ្ចាក់ថា ចំណុចគ្រោះថ្នាក់នេះ តែងកើតមានករណីគ្រោះរថយន្តបុករបាំងពុះទ្រូងផ្លូវជាបន្តបន្ទាប់ ដែលតាមមតិខ្លះថា មកពីបើកបរចំណុចនោះក្នុងល្បឿនលឿន វ៉ាជែង ខ្លះថាមកពីភ្លើងសូឡាបំពាក់ចំណុចក្បាលនាគពុះទ្រូវផ្លូវមិនសូវភ្លឺ ងងឹត ទើបអ្នកបើកបរមើលមិនសូវឃើញ (វ៉ាក់អើ) ។
ជាមួយគ្នានេះដែរ ពលរដ្ឋស្នើដល់មន្ត្រីជំនាញ អាជ្ញាធរជួយពិនិត្យ បន្ថែមភ្លើង និងស្លាកសញ្ញាចំណាំងផ្លាត ដើម្បីបានអ្នកធ្វើដំណើរបានចាំងផ្លាតឃើញច្បាស់ មិនសូវបង្កគ្រោះថ្នាក់ផ្សេងៗ ៕
ចែករំលែកព័តមាននេះ