អគ្គិភ័យឆាបឆេះទំនិញក្នុងរថយន្តក្រុមហ៊ុនវីរៈប៊ុន ថាំ ផ្អើលផ្លូវជាតិលេខ៦
- សៀមរាប
ខេត្តសៀមរាប ៖ រថយន្តរបស់ក្រុមហ៊ុន វីរះប៊ុនថាំ កំពុងបើកបរសុខ ៗ ត្រូវបានអគ្គិភ័យឆាបឆេះទំនិញក្នុងរថយន្តអស់ទាំងស្រុង បង្កការភ្ញាក់ផ្អើលពេញ ផ្លូវជាតិលេខ៦ ។
ហេតុការឆេះរថយន្តកណ្តាលផ្លូវនោះបានកើតឡើងថ្ងៃទី២៨ ខែ តុលា ឆ្នាំ២០២៦ នៅវេលាម៉ោង ៧ និង ០០នាទី ព្រឹក និងរលត់ជាស្ថាពរវេលាម៉ោង ៨និង ០០ នាទីព្រឹកថ្ងៃដដែល ស្ថិតក្នុងភូមិថ្មី ឃុំគោកធ្លក ក្រោម ស្រុកជីក្រែង ខេត្តសៀមរាប លើផ្លូវជាតិ៦ ចន្លោះបង្គោលគីឡូម៉ែត្រលេខ ២៥៤ និង ២៥៥ មានចម្ងាយពីអធិការដ្ឋាន២ គីឡូម៉ែត្រ ។
បើតាមប្រភពពីមន្ត្រីនគរបាលស្រុកជីក្រែង បានប្រាប់ភ្នាក់ងារកោះសន្តិភាព យើងនៅរសៀល ថ្ងៃទី២៨ ខែតុលា ឆ្នាំ២០២៦ នេះថា: មានឧបទ្ទវហេតុអគ្គិភ័យឆាបឆេះទំនិញក្នុងរថយន្តរបស់ក្រុមហ៊ុនវីរះប៊ុនថាំមួយគ្រឿងម៉ាក ZO MOTORS ZM8 ពណ៌ទឹកក្រូច ពាក់ស្លាកលេខ ភ្នំពេញ 3G-8834 ប្រភេទដឹកទំនិញធុនធំ ត្រង់ចំណុចមុខហាងហ្គាឡឺរី ស្ថិតក្នុងភូមិ ថ្មី ឃុំគោកធ្លកក្រោម ស្រុកជីក្រែង ខេត្តសៀម រាប លើផ្លូវជាតិ៦ ចន្លោះបង្គោលគ.ម២៥៤ និង២៥៥។
តាមប្រភពបញ្ជាក់ថា អ្នកបើកបរឈ្មោះ ខុន មករា ភេទប្រុស អាយុ៣៦ឆ្នាំ ទីលំនៅបច្ចុប្បន្នភូមិសូរិយាលើ សង្កាត់រលាប ក្រុងពោធិ៍សាត់ ខេត្តពោធិ៍សាត់។
ក្នុងហេតុការណ៍នោះ កម្លាំងនគរបាលអធិការដ្ឋាន ស្រុកជីក្រែង និង កម្លាំងប៉ុស្តិ៍ឃុំគោកធ្លក ក្រោម កម្លាំងប៉ុស្តិ៍ឃុំកំពង់ក្តី បានចុះជួយអន្តរាគមន៍មានះ – រថយន្តពន្លត់អគ្គិភ័យស្រុកជីក្រែង០១គ្រឿង ប្រើប្រាស់អស់ទឹកចំនួន០២ រថយន្ត ។
មូលហេតុ សង្ស័យបណ្តាលមកពីផ្ទុះកំប៉ុងហ្គាស ក្នុងរថយន្ត ។ ចំណែកអីវ៉ាន់ក្នុងរថយន្តរងការខូចខាតអស់ទាំងស្រុង។
បច្ចុប្បន្ន រថយន្តរបស់ក្រុមហ៊ុន វីរៈប៊ុនថាំ ត្រូវបានសមត្ថកិច្ច នគរបាលស្រុកជីក្រែង បានជួយសម្រូលចរាចរណ៍ និងប្រគល់ឱ្យ អ្នកបើកបរយកទៅក្រុមហ៊ុន ដើម្បីជួសជុលប្រើប្រាស់ឡើងវិញ ៕
ចែករំលែកព័តមាននេះ