ករណីឆេះសាលាឆាន់វត្តពោធិ៍ នៅស្រុកបសេដ្ឋ សង្ស័យជនមិនស្គាល់មុខលួ.ចដុ.ត
- កំពង់ស្ពឺ
ខេត្តកំពង់ស្ពឺ៖ សាលាឆាន់នៅក្នុងវត្តពោធិ៍ ត្រូវបានអគ្គិភ័យឆាបឆេះបង្កឱ្យមានការភ្ញាក់ដល់ព្រះសង្ឃនិងពុទ្ធបរិស័ទ ជួយពន្លត់ទាន់ពេលវេលា។ ជុំវិញករណីនេះ សង្ស័យមានគេលួចដុត បណ្តាលឱ្យរងការខូចខាត រូបបដិមា របស់របរ និងសម្ភារៈជាច្រើនទៀតផង។
ទីអារាមវត្តពោធិ៍ ស្ថិតនៅក្នុងភូមិ ពោធំ ឃុំ ពោធិអង្គ្រង ស្រុក បសេដ្ឋ ខេត្តកំពង់ស្ពឺ សង្ស័យត្រូវជនមិនស្គាល់មុខ ដុតបំផ្លាញនៅវេលាម៉ោង ជាង៤ទៀបភ្លឺថ្ងៃទី២៧ ខែតុលា ឆ្នាំ ២០២៦ ។
ប្រភពព័ត៌មានបានបង្ហើបឲ្យដឹងថា ក្នុងករណីភ្លើងឆេះសាលាឆាន់ខាងលើនេះ បណ្តាលឱ្យរងការខូចខាតរួមមាន
១-ព្រះពុទ្ធរូប ខូចអស់ ចំនួន១២អង្គ
២-កម្រាលគង់ខូចអស់ ចំនួន១៤
៣-ធុងបាស់ធំៗខូចអស់ ចំនួន២
៤-កម្រាលព្រំ ចំនួន១២ខ្សែ
៥-មេក្រូខូច ចំនួន១ឆុត
៦-កង្ហារខូច ចំនួន៦គ្រឿង
៧-ទៀនធំៗ ចំនួន៣គូរ
៨-ឆព្វណ្ណរង្សីខូចចំនួន៤គ្រឿង និង ខូចខាតសម្ភារៈជាច្រើនទៀត។
ចំពោះមូលហេតុដែលបណ្តាលឲ្យឆេះសាលាឆាន់ក្នុងវត្តពោធិ៍ នេះសមត្ថកិច្ចកំពុងធ្វើការស្រាវជ្រាវ ដើម្បីស្វែងរកមូលហេតុពិតប្រាកដ៕
ចែករំលែកព័តមាននេះ