រាជធានីភ្នំពេញ ៖ វេលាម៉ោង១០ព្រឹកនេះ ថ្ងៃទី១៥ សីហា ២០១១ នេះ អតីតឧត្តមសេនីយ៍ឯក និងជាមេបញ្ជាការកងអង្គរក្សសម្តេចជា ស៊ីម លោកឈឿន ចាន់ថន ត្រូវបញ្ជូនទៅកាន់សាលាដំបូងរាជធានីភ្នំពេញ ដើម្បីឆ្លើយបំភ្លឺការជាប់ពាក់ព័ន្ធបទល្មើសមួយចំនួនរបស់ខ្លួននៅចំពោះមុខមន្ត្រីតុលាការ។
រាជធានីភ្នំពេញ ៖ វេលាម៉ោង១០ព្រឹកនេះ ថ្ងៃទី១៥ សីហា ២០១១ នេះ អតីតឧត្តមសេនីយ៍ឯក និងជាមេបញ្ជាការកងអង្គរក្សសម្តេចជា ស៊ីម លោកឈឿន ចាន់ថន ត្រូវបញ្ជូនទៅកាន់សាលាដំបូងរាជធានីភ្នំពេញ ដើម្បីឆ្លើយបំភ្លឺការជាប់ពាក់ព័ន្ធបទល្មើសមួយចំនួនរបស់ខ្លួននៅចំពោះមុខមន្ត្រីតុលាការ។
សូមបញ្ជាក់ថា អតីតលោកឧត្តមសេនីយ៍ឯកឈឿន ចាន់ថន ហៅម៉ៅ បញ្ជាការកងអង្គរក្សសម្តេចអគ្គមហាធម្មពោធិសាលជា ស៊ីម បានត្រូវកម្លាំងកងរាជអាវុធហត្ថចាប់ខ្លួន កាលពីព្រឹកព្រលឹមថ្ងៃទី១៣ សីហា ២០១១ រួមជាមួយអង្គរក្ស៣នាក់ផ្សេងទៀតនៅក្នុងភូមិគ្រឹះតម្លៃជិត១លានដុល្លាររបស់ខ្លួន លេខ៦៥ ផ្លូវលេខ៩៥ សង្កាត់បឹងកេងកងទី៣ ខណ្ឌចំការមន ។ ការចាប់ខ្លួនគួរឱ្យភ្ញាក់ផ្អើលនេះ គឺបន្ទាប់ពីមានព្រះរាជក្រឹត្យដកហូតឋានន្តរស័ក្តិ និងតួនាទីដែលឡាយព្រះហស្តេលខាដោយព្រះមហាក្សត្រកាលពីថ្ងៃទី១២ សីហា មានន័យថា ការចាប់ខ្លួននេះធ្វើបន្ទាន់តែម្តង។ ជាមួយគ្នានេះ ក៏មានអនុក្រឹត្យតែងតាំងលោកឧត្តមសេនីយ៍ឯកយឹម លាង ឱ្យទទួលតំណែងជាមេបញ្ជាការកងអង្គរក្សជំនួសវិញ។
មានការកត់សម្គាល់ថា មុនមានការចាប់ខ្លួននេះ នៅជុំវិញភូមិគ្រឹះអតីតផ្កាយ៣រូបនេះ ក៏ត្រូវបានឡោមព័ទ្ធដោយកម្លាំងកងរាជអាវុធហត្ថរាប់សិបនាក់ផងដែរ។ ក្នុងប្រតិបត្តិការដ៏រំជើបរំជួលនេះ មន្ត្រីអ្នកអនុវត្តច្បាប់ដែលបានចុះផ្ទាល់ហាក់ដូចជាមានការប្រុងប្រយ័ត្ន ដោយសារតែមិនមានមន្ត្រីណាម្នាក់ហ៊ានបង្ហើបជាផ្លូវការពីការចាប់ខ្លួនអតីតឧត្តមសេនីយ៍ឈឿន ចាន់ថន នេះទេ។ សមត្ថកិច្ចបានឃាត់ខ្លួនបុរស៣នាក់ផ្សេងទៀត ដែលជាអង្គរក្សរបស់លោកឈឿន ចាន់ថន គឺ១-ឈ្មោះប៉ក់ ស៊ា ២-ឈ្មោះពៅ មឿនចាន់ និង៣-ឈ្មោះជុំ ស្រស់។ សមត្ថកិច្ចក៏បានដកហូតអាវុធវែង-ខ្លីនៅភូមិគ្រឹះលោកឈឿន ចាន់ថន បានចំនួន១១ដើម ក្នុងនោះកាំភ្លើងវែង៧ដើម កាំភ្លើងខ្លី៤ដើម ដែលមានគ្រាប់កាំភ្លើងចម្រុះ១.៤០០គ្រាប់ និងឯកសណ្ឋាន ព្រមទាំងសម្ភារយោធាមួយចំនួនទៀត ។ ទាំងសម្ភារដែលបានដកហូតរួមជាមួយអ្នកដែលត្រូវចាប់ខ្លួនទាំង៤នាក់ ត្រូវបានសមត្ថកិច្ចនាំយកទៅកាន់បញ្ជាការដ្ឋានកងរាជអាវុធហត្ថរាជធានី ដើម្បីចាត់ការបន្តតាមច្បាប់។
តាមប្រភពព័ត៌មានពីសមត្ថកិច្ចកងរាជអាវុធហត្ថលើផ្ទៃប្រទេសបានឱ្យដឹងថា ឈ្មោះឈឿន ចាន់ថន និងកូនចៅទាំង៣នាក់ ត្រូវបានកសាងសំណុំរឿងបញ្ជូនទៅសាលាដំបូងរាជធានី ពាក់ព័ន្ធនឹងបទល្មើសរក្សាអាវុធខុសច្បាប់ និងនាំចូល-នាំចេញអាវុធគ្រឿងផ្ទុះ គ្រាប់រំសេវដោយគ្មានច្បាប់អនុញ្ញាតពីអាជ្ញាធរមានសមត្ថកិច្ច ហើយប្រភពខ្លះថា ពាក់ព័ន្ធបញ្ហាដីធ្លី បោកលុយ និងរំលោភសេចក្តិទុកចិត្ត៕
ចែករំលែកព័តមាននេះ