ប្រធានមន្ទីររ៉ែ និងថាមពល ខេត្តតាកែវថ្មី ចូលកាន់តំណែង
- តាកែវ
ខេត្តតាកែវ ៖ នៅរសៀលថ្ងៃទី២៦ ខែតុលា ឆ្នាំ២០២៦នេះ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល រួមជាមួយលោកយស ណាស៊ី ប្រធានក្រុមប្រឹក្សាខេត្ត លោក វ៉ី សំណាង អភិបាលនៃគណៈអភិបាលខេត្តតាកែវ បានអញ្ជើញជាអធិបតីភាពភាព ក្នុងពិធីប្រកាសចូលកាន់មុខតំណែងប្រធានមន្ទីររ៉ែ និងថាមពល ខេត្តតាកែវថ្មី ជំនួសប្រធានមន្ទីរចាស់ដែលត្រូវចូលនិវត្តន៍។
លោក ស សែនស្រស់ ដែលទើបទទួលបានការតែងតាំងជាប្រធានមន្ទីររ៉ែ និងថាមពល ខេត្តតាកែវថ្មី បានធ្វើការប្តេជ្ញាចិត្តយ៉ាងមុតមាំក្នុងការបំពេញតួនាទី និងភារកិច្ចរបស់ខ្លួន ដោយប្រកបដោយស្មារតីទទួលខុសត្រូវខ្ពស់។ លោកបានគូសបញ្ជាក់ពីទិសដៅការងារសំខាន់ៗ រួមមាន៖
ពង្រឹងប្រសិទ្ធភាពការងារ៖ បង្កើនគុណភាព និងល្បឿននៃការផ្តល់សេវាឱ្យកាន់តែល្អប្រសើរ។
ពង្រឹងកិច្ចសហការ ៖ ធ្វើការយ៉ាងជិតស្និទ្ធជាមួយអាជ្ញាធរដែនដី និងអង្គភាពពាក់ព័ន្ធគ្រប់លំដាប់ថ្នាក់។
អភិវឌ្ឍវិស័យអាទិភាព ៖ លើកកម្ពស់ការគ្រប់គ្រង និងការអភិវឌ្ឍន៍វិស័យរ៉ែ ថាមពល និងប្រេងកាត ប្រកបដោយចីរភាព និងបរិយាបន្ន។
ការប្តេជ្ញាចិត្តរបស់លោកប្រធានមន្ទីរថ្មីនេះ ធ្វើឡើងក្នុងគោលបំណងបម្រើផលប្រយោជន៍ជូនប្រជាពលរដ្ឋឱ្យនឹងក្រុមហ៊ុននានាអោយកាន់តែមានប្រសិទ្ធភាពខ្ពស់ ព្រមទាំងរួមចំណែកយ៉ាងសំខាន់ដល់ការប្រមូលថវិកា ដើម្បីទ្រទ្រង់កំណើនសេដ្ឋកិច្ចជាតិផងដែរ ៕
ចែករំលែកព័តមាននេះ