សង្គ្រាមយេម៉ែន-អារ៉ាប៊ីសាអូឌីត ៖ អារ៉ាប៊ីសាអូឌីត ដែលគាំទ្ររដ្ឋាភិបាលយេម៉ែន គូសបញ្ជាក់កាលពីថ្ងៃទី២៦ តុលា ថា បានបាញ់ទម្លាក់មីស៊ីលបាលីស្ទិក១គ្រាប់ បាញ់ចេញដោយពួកឧទ្ទាមហ៊ូធីយេម៉ែន សំដៅក្រុងរីយ៉ាដ ហើយយុទ្ធជនហ៊ូធីស្និទ្ធអ៉ីរ៉ង់
ក៏អះអាងពីការវាយប្រហារថ្មីលើព្រលានយន្តហោះអន្តរជាតិក្រុងរីយ៉ាដ ។
មុននេះ រាជធានីអារ៉ាប៊ីសាអូឌីត ញ័ររង្គើរដោយការផ្ទុះនានា ហើយប្រជាជនក្រុងនោះបានទទួលសារព្រមានពីការគំរាមកំហែងវាយប្រហារតាមអាកាសថ្មីទៀត ។ អ្នកនាំពាក្យកងទ័ពអារ៉ាប៊ីសាអូឌីតក្នុងសារមួយផ្សាយតាមបណ្ដាញសង្គមនិយាយថា កងការពារអាកាសបានបាញ់ស្ទាក់ និងកម្ទេចមីស៊ីលបាលីស្ទិក១គ្រាប់បាញ់មកដោយពួកហ៊ូធីសំដៅក្រុងរីយ៉ាដ ។ អ្នកនាំពាក្យរូបនោះបន្តថា កងកម្លាំងចម្រុះបានវាយប្រហារកម្ទេចទីតាំងបាញ់មីស៊ីលបាលីស្ទិក៤កន្លែងរបស់ពួកហ៊ូធី ព្រមទាំងឃ្លាំងមីស៊ីលមួយរបស់ពួកនោះ ដែលកាន់កាប់ទឹកដីយេម៉ែនមួយផ្នែកដ៏ធំ។
ពួកហ៊ូធីនិងអារ៉ាប៊ីសាអូឌីតតែងវាយប្រហារគ្នារាល់ថ្ងៃ តាំងពីចាប់ផ្ដើមសង្គ្រាមជាថ្មីពីខែកក្កដាមក។ អ្នកនាំពាក្យយោធាពួក
ហ៊ូធីលោកយ៉ាហ៍យ៉ាសារេថ្លែងថា កងកម្លាំងប្រដាប់អាវុធរបស់យើង កាលពីថ្ងៃទី២៦ តុលា បានវាយប្រហារជាមួយមីស៊ីល
បាលីស្ទិកចំព្រលានយន្តហោះក្រុងរីយ៉ាដ ។ កងកម្លាំងរបស់យើងក៏វាយប្រហារលើបណ្ដាស្ថានីយបូមប្រេងឆៅជាមួយដ្រូនច្រើនគ្រឿងដែលហោះទៅដល់គោលដៅ ។
ព្រលានយន្តហោះក្រុងរីយ៉ាដបានបិទទ្វារបន្ទាប់ពីការវាយប្រហារដ៏បង្ហូរឈាមមួយរបស់ពួកហ៊ូធីបណ្ដាលឲ្យមនុស្សស្លាប់១៣នាក់ និងរបួសច្រើនរយនាក់មក ។ ព្រលានយន្តហោះនោះ ទើបប្រកាសពីការបើរការហោះហើរឡើងវិញក្នុងស្រុក និងអន្តរជាតិពិសេស មកពីក្រុងឌូបៃ ប៉ារីស និងគែរ។ ប៉ុន្តែមានតែយន្តហោះមួយចំនួនតូចប៉ុណ្ណោះ ដែលហ៊ានហោះឡើង។ នាល្ងាចថ្ងៃទី២៥ តុលា ព្រលានយន្តហោះនេះ រងការវាយប្រហារដោយមីស៊ីលបាលីស្ទិកច្រើនសិបគ្រាប់។ ចំណែកមីស៊ីល២គ្រាប់វាយប្រហារមូលដ្ឋានអាកាសចរណ៍ KHAMIS MOSHAIT និងមូលដ្ឋាននាវាចរណ៍JAZAN ។
អារ៉ាប៊ីសាអូឌីត កាលពីថ្ងៃទី២៥ តុលា គូសបញ្ជាគ់ពីការស្ទាក់កម្ទេចមីស៊ីលបាលីស្ទិក១០គ្រាប់ នៅភាគខាងត្បូងប្រទេស ព្រមទាំងមីស៊ីលបណ្ដែត១គ្រាប់ ដែលបាញ់សំដៅមូលដ្ឋាននាវាចរណ៍KHAMIS MOSHAIT។ ផ្នែកការពារស៊ីវិលអារ៉ាប៊ីសាអូឌីតរៀបរាប់ពីមនុស្ស២នាក់រងរបួសនាភាគខាងត្បូងប្រទេស ដោយសារបំណែកមីស៊ីលដែលធ្លាក់ និងពីអគារព្រមទាំងរថយន្តចជាច្រើនរងការខូចខាត។ តាំងពីដើមខែនេះមកពួកហ៊ូធីបានបង្កើនការវាយប្រហារជាពិសេសលើក្រុងរីយ៉ាដ លើហេដ្ឋារចនាសម្ព័ន្ធប្រេងកាតនិងព្រលានយន្តហោះអារ៉ាប៊ីសាអូឌីត ៕
ចែករំលែកព័តមាននេះ