កូរ៉េខាងត្បូង-អាមេរិក ៖ តាមទីភ្នាក់ងារព័ត៌មានកូរ៉េខាងត្បូង YONHAP ថា ប្រទេសកូរ៉េខាងត្បូង និងសហរដ្ឋអាមេរិក ចាប់ធ្វើសមយុទ្ធអាកាសរួម កាលពីថ្ងៃទី២៦ តុលា ដោយផ្ដោតលើបេសកកម្មប្រឆាំងប្រតិបត្តិការអាកាស និងការហាមឃាត់អាកាសនិងសំដៅពង្រឹងប្រតិបត្តិការរួមក្នុងពេលមានសង្គ្រាម ។ នេះជាសេចក្ដីរាយការណ៍របស់កងទ័ពកូរ៉េខាងត្បូង ។
ក្នុងសេចក្ដីប្រកាសមួយកងទ័ពអាកាសកូរ៉េខាងត្បូងថ្លែងថា សមយុទ្ធមានឈ្មោះថា FREEDOM FLAG ធ្វើរយៈពេល២សប្ដាហ៍នៅមូលដ្ឋាអាកាសចរណ៍គុនសាន ក្នុងខេត្តJEOLLAខាងជើង ជាមួយបណ្ដាមធ្យោបាយអាកាសគន្លឹះរបស់សម្ព័ន្ធមិត្ត ក្នុងនោះមានយន្តហោះប្រយុទ្ធរបស់កងទ័ពអាកាសកូរ៉េខាងត្បូងធុនF-15K KF-16 និងF-35A ។
យន្តហោះដឹកជញ្ជូនធុន KC-330 និងយន្តហោះចាប់រកនិងត្រួតពិនិត្យអាកាសធុនE-737 PEACE EYE ១គ្រឿងក៏ចូលរួមក្នុងសមយុទ្ធនោះដែរ។ ខាងអាមេរិកមានការចូលរួមរបស់យន្តហោះប្រដេញF-16 ន់ិងយន្តហោះស៊ើបការណ៍ធុនRC-135 របស់កងទ័ពអាកាសនិងឧទ្ធម្ភាគចក្រ១គ្រឿងរបស់កងម៉ារីន។ ក្រៅពីនេះមានយន្តហោះប្រដេញបំបាំងកាយ ធុនF-35B និងយន្តហោះស៊ើបការណ៍គ្មានមនុស្សបើកធុនMQ–9 REAPER។
សមយុទ្ធនេះ ធ្វើឡើងដើម្បីកែលម្អដល់ប្រតិបត្តិការរួម និងកសាងសមត្ថភាពប្រតិបត្តិការរួម ក្នុងពេលមានសង្គ្រាមដូចជាកិច្ចការពារអាកាសនិងការហាមឃាត់អាកាស ។ សមយុទ្ធFREEDOM FLAG តែងប្រព្រឹត្តទៅ២លើកក្នុង១ឆ្នាំ ចាប់អនុវត្តក្នុងឆ្នាំ២០២៤មកជំនួសសមយុទ្ធអាកាសទ្រង់ទ្រាយធំរបស់សម្ព័ន្ធមិត្តលើកមុន ៕
ចែករំលែកព័តមាននេះ