កម្ពុជា និងវៀតណាម បានកំពុងតែសម្លឹងរកការបង្កើតមជ្ឈមណ្ឌលពាណិជ្ជកម្មរួមគ្នាមួយនៅរាជធានីភ្នំពេញ ដើម្បីពង្រីកពាណិជ្ជកម្មឆ្លងដែន និងបើកច្រកចូលទីផ្សារសម្រាប់សហគ្រាសធុនតូច និងមធ្យមរបស់ប្រទេសទាំងពីរ ។
គម្រោងនេះ ត្រូវបានលាតត្រដាងនៅពេលដែលពាណិជ្ជកររបស់ប្រទេសទាំងពីរបានចុះហត្ថលេខាលើអនុស្សរណៈនៃការយោគយល់គ្នា (MOU) មួយកាលពីថ្ងៃសុក្រសប្តាហ៍មុន ។
មជ្ឈមណ្ឌលដែលបានគ្រោងនឹងក្លាយជាទីកន្លែងសម្រាប់ក្រុមហ៊ុន មកពីប្រទេសទាំងពីរ ក្នុងការដាក់តាំងបង្ហាញ និងលក់ទំនិញ ដែលនឹងជួយសម្រួលដល់ការនាំចូលផលិតផលវៀតណាមមកកាន់កម្ពុជា ព្រមទាំងបង្កើនការនាំចេញផលិតផលកសិកម្មពីកម្ពុជាទៅកាន់ប្រទេសវៀតណាម និងទីផ្សារអន្តរជាតិផ្សេងទៀត ។
កាលពី៩ ខែនៃឆ្នាំ២០២៦នេះ ពាណិជ្ជកម្មរវាងកម្ពុជា និងវៀតណាម មានតម្លៃសរុប៦,៥ពាន់លានដុល្លារកើនឡើង១១,២៦ភាគរយ ដោយនៅក្នុងនោះកម្ពុជានាំចេញទៅវៀតណាម មានតម្លៃ៣,១៨ ពាន់លានដុល្លារកើន៨,២៥ភាគរយ ហើយនាំចូលមានតម្លៃ៣,៤ពាន់លានដុល្លារកើន៩,១៩ភាគរយ ៕
ចែករំលែកព័តមាននេះ