តួលេខដ៏គួរឱ្យព្រួយបារម្ភ! អ្នកបាត់បង់ជីវិតព្រោះគ្រោះថ្នាក់ចរាចរណ៍រហូតដល់៧០% គឺមកពីកត្តាមិនពាក់មួកសុវត្ថិភាព
- ភ្នំពេញ
រាជធានីភ្នំពេញ ៖ មន្ត្រីជាន់ខ្ពស់អគ្គស្នងការនគបាលជាតិបានឱ្យដឹងថា មួយរយៈនេះចំនួនគ្រោះថ្នាក់ចរាចរណ៍មានការកើនឡើង ពិសេសនោះចំពោះអ្នកបើកបរម៉ូតូចំនួនអ្នកស្លាប់ ដោយសារគ្រោះថ្នាក់ចរាចរណ៍ ពេលបើកបរមិនបានពាក់មួយសុវត្ថិភាពមានរហូតដល់៧០% ។
ថ្លែងក្នុងសិក្ខាសាលាអប់រំផ្សព្វផ្សាយស្តីពីច្បាប់ចរាចរណ៍ផ្លូវគោក និងសុវត្ថិភាពបើកបរ នាព្រឹក ថ្ងៃទី២៦ ខែតុលា ឆ្នាំ២០២៦ ឯកឧត្តមឧត្តមសេនីយ៍ឯក ចែវ ហាក់ អគ្គស្នងការរង នៃអគ្គស្នងការរដ្ឋាននគបាលជាតិ បានលើកឡើងថា ករណីគ្រោះថ្នាក់ចរាចរណ៍ផ្លូវគោកបណ្តាលឱ្យមនុស្សស្លាប់ នៅតែជាកត្តាព្រួយបារម្ភ ខណៈអ្នកស្លាប់ដោយសារការមិនពាក់មួក សុវត្ថិភាពមានរហូត៧០% ពិសេសនោះនៅពេលយប់តែម្តង ។
ឯកឧត្តមឧត្តមសេនីយ៍ឯកបានបន្តថា កត្តាគ្រោះថ្នាក់ចរាចរណ៍ភាគច្រើន អ្នកបើកបរម៉ូតូ ដែលចំនួននេះនៅតែជាក្តីបារម្ភរបស់រាជរដ្ឋាភិបាល ក៏ដូចជា ក្រសួងពាក់ព័ន្ធ ។
ដោយក្នុងរយៈពេល៩ ខែ ដើមឆ្នាំ២០២៨ គ្រោះថ្នាក់ចរាចរណ៍បានសម្លា.ប់ជីវិត មនុស្ស ១១៦០នាក់ ខណៈជាមធ្យមចំនួនអ្នកស្លា.ប់ ៥នាក់ក្នុងមួយថ្ងៃ ។
ឯកឧត្តមបានលើកឡើងថា សិក្ខាសាលាថ្ងៃនេះ មានគោលបំណងធំ គឺធ្វើការផ្សព្វផ្សាយពីច្បាប់ចរាចរណ៍ ដើម្បីចូលរួមកាត់បន្ថយគ្រោះថ្នាក់ចរាចរណ៍នៅក្នុងប្រទេសកម្ពុជា ។
បើតាមឧត្តមសេនីយ៍ឯក ចែវ ហាក់បានបញ្ជាក់ថា ៖« មួយរយៈចុងក្រោយនេះ តាមរបាយការណ៍បានសង្កេត់ឃើញថា គ្រោះថ្នាក់ចរាចរណ៍ មានការកើនឡើងពិសេសនោះក្នុងរយៈពេល៩ខែ ឆ្នាំ២០២៦នេះ មានអ្នកស្លា.ប់រហូតដល់១១៦០នាក់ នៅទូទាំងប្រទេ ស ។ អីញ្ចឹងការជាឆ្លុះបញ្ចាំងមួយឲ្យឃើញថា ការធ្វើដំណើររបស់បងប្អូនប្រជាពលរដ្ឋ គឺនៅមិនទាន់ទទួលយកបានក្នុងការគោរពច្បាប់ចរាចរណ៍ផ្លូវគោកនៅឡើយ ។
ពិសេសនោះការប្រើប្រាស់ម៉ូតូដែលមានចំនួនខ្ពស់ រហូតដល់៨៣% នៃគ្រោះថ្នាក់ចរាចរណ៍ ផ្តើមចេញពីអ្នកប្រើប្រាស់ទោចក្រយានយន្តនេះតែម្តង ដែលមានអ្នកស្លា.ប់រហូតដល់៧០% មិនពាក់មួយកសុវត្ថិភាព» ។
ជាមួយគ្នានោះដែរឯកឧត្តម ក៏បានអំពាវនាវដល់អ្នកធ្វើដំណើរតាមដងផ្លូវត្រូវប្រកាន់ភ្ជាប់ជានិច្ចនៃការគោរពច្បាប់ចរាចរណ៍ ដើម្បីចូលរួមកាត់បន្ថយគ្រោះថ្នាក់ចរាចរណ៍ ។ ដោយធ្វើការបើកបរកុំប្រថុយប្រថាន ដោយគ្រោះថ្នាក់ដោយការបើកដោយល្បឿនមានចំនួន៤៦% មិនគោរពសិទ្ធអាទិភាពចំនួន២២% ។ តួលេខនៃគ្រោះថ្នាក់ចរាចរណ៍នេះ អាចឆ្លុះបញ្ចាំងថា ការគោរពច្បាប់ចរាចរណ៍មិនទាន់អាចទទួលយកនៅឡើយ ៕
ចែករំលែកព័តមាននេះ