ច្រឡំគិតថាក្រដាស តាមពិតប្លាស្ទិក! មន្ទីរបរិស្ថានខេត្តសៀមរាប ទម្លា.យការជឿខុសលើ «ក្រដាសសើម» ដែលមនុស្សភាគច្រើនតែងប្រើប្រាស់
- សៀមរាប
ខេត្តសៀមរាប ៖ មើលទៅដូចក្រដាស តែមិនប្រាកដថាគ្មានប្លាស្ទិកទេ! ។ ក្រដាស់សើម (Wet Wipes) ដែលប្រើប្រាស់រាល់ថ្ងៃ ភាគច្រើនមិនមែនជាក្រដាសនោះទេ? ថ្វីបើវាមានភាពទន់ និងសើមដូចក្រដាសអនាម័យ ប៉ុន្តែវាត្រូវបានផលិតចេញពីសរសៃប្លាស្ទិក (Polyester & Polypropylene) លាយជាមួយសំឡី ដើម្បីឱ្យវាស្វិតមិនងាយរហែក ។ នេះបើយោងតាមផេកមន្ទីរបរិស្ថានខេត្តសៀមរាប បានប្រកាសនាថ្ងៃទី២៥ ខែតុលានេះ ។
មន្ទីរបរិស្ថានខេត្តសៀមរាប បានបន្តថា អ្វីដែលគួរដឹង និងគួរតែជៀសវាង
កុំចុចចូលបង្គន់ឱ្យសោះ! សរសៃប្លាស្ទិកក្នុងក្រដាស់សើម មិនរលាយក្នុងទឹកទេ វាបង្កើតជាដុំស្ទះលូធំៗ (Fatbergs) និងបង្កការស្ទះទុយោបង្គន់ផ្ទះរបស់អ្នក។
រង់ចាំរាប់រយឆ្នាំ ៖ វាត្រូវការពេលពី១០០ ទៅ៥០០ ឆ្នាំ ដើម្បីបំបែកធាតុនៅក្នុងដី និងបង្កើតជាមីក្រូប្លាស្ទិក (Microplastics) បំពុលបរិស្ថាន និងប្រភពទឹក។
ប្រយ័ត្នស្បែកស្តើង ៖ សារធាតុរក្សាក្លិន និងជាតិគីមីនៅក្នុងក្រដាស់សើមមួយចំនួន អាចបង្កឱ្យអាលែហ្សីលើស្បែកទារក ឬស្បែកប្រែប្រួលងាយ។
កែច្នៃមិនបាន (Non-recyclable)៖ ដោយសារវាមានប្រឡាក់ជាតិកខ្វក់ និងផ្ទុកសរសៃប្លាស្ទិកលាយឡំ ។
+ចំពោះដំណោះស្រាយងាយៗ៖
-បោះកន្សែងសើមក្នុងធុងសំរាមជានិច្ច (កុំចុចចូលបង្គន់)
-ប្រើក្រដាសអនាម័យបាញ់ទឹក ឬប្រើកន្សែងក្រណាត់តូចៗដែលអាចបោកទឹកប្រើឡើងវិញបាន ។
-ប្រសិនបើចាំបាច់ត្រូវប្រើ សូមជ្រើសរើសប្រភេទ 100% Bamboo ឬ Biodegradable គ្មានធាតុផ្សំប្លាស្ទិក (ត្រូវមើលស្លាកសញ្ញាលើកញ្ចប់) ៕
ចែករំលែកព័តមាននេះ