រដ្ឋាភិបាលបង្កើនការចំណាយ ៣,២ភាគរយ ដើម្បីទប់កំណើនឲ្យបាន ៤,៨ភាគរយ ហើយប្រាក់ចំណូលពលរដ្ឋអាចកើនឡើងប្រមាណជា ៣.២៧៧ ដុល្លារ នៅក្នងឆ្នាំ២០២៧ ។
សេចក្តីប្រកាសព័ត៌មានពីទីស្តីការគណរដ្ឋមន្ត្រីបានឲ្យដឹងថា រដ្ឋាភិបាលកម្ពុជាបានអនុម័តសេចក្តីព្រាងថវិកាសម្រាប់ចំណាយនៅឆ្នាំ២០២៧ ដែលមានទឹកប្រាក់ប្រមាណ៣៩,៧ ទ្រីលានរៀល ពោល គឺស្មើនឹងប្រហែល៩,៧២ពាន់លានដុល្លារ ។
ផ្អែកតាមពង្រាងនេះ គម្រោងចំណាយតាមខ្ទង់ថវិកាជាតិរបស់កម្ពុជា គឺមានការកើនឡើងប្រមាណជា៣,២ភាគរយ ហើយសេចក្តីព្រាងថវិកានេះ គឺមានទំហំស្មើនឹង១៦,៥៧ ភាគរយ នៃផលិតផលក្នុងស្រុកសរុបរបស់កម្ពុជា ។
គម្រោងកញ្ចប់ថវិកាឆ្នាំ២០២៧នេះ មានគោលបំណងរក្សាលំនឹងជីវភាពរបស់ប្រជាពលរដ្ឋ និងគាំទ្រកំណើនសេដ្ឋកិច្ចក្នុងវិស័យគោលដៅ ក្នុងបរិបទ ដែលមានភាពមិនច្បាស់លាស់ខ្ពស់ព្រមទាំងធានាបាននូវការឆ្លើយតបប្រកបដោយប្រសិទ្ធភាព និងនិរន្តរភាពហិរញ្ញវត្ថុសាធារណៈ ។
ជាមួយគ្នានោះចំពោះទិដ្ឋភាពម៉ាក្រូសេដ្ឋកិច្ច សេដ្ឋកិច្ចកម្ពុជាត្រូវបានព្យាករថា នឹងមានកំណើនប្រហែល៤ ភាគរយក្នុងឆ្នាំ២០២៦ ហើយនឹងកើនឡើងដល់ ៤,៨ ភាគរយនៅឆ្នាំ២០២៧ ៕
ចែករំលែកព័តមាននេះ