លួ.ចបូមប្រេងពីកុងតឺន័រគេបាន១ប៊ីដុង បម្រុងចា.ក់ចូលកុងតឺន័រខ្លួនឯង ត្រូវម្ចាស់ឃើញទាន់ ស្រែកឆោឡោ នាំគ្នាដេ.ញតាមចាប់
- ភ្នំពេញ
រាជធានីភ្នំពេញ ៖ បុរសជាអ្នកបើកបររថយន្តកុងតឺន័រម្នាក់បានបើករថយន្តទៅឈប់អែបខាង ហើយបានធ្វើសកម្មភាពលួចបូមប្រេងពីរថយន្តកុងតឺន័រមួយគ្រឿងទៀតដែលកំពុងឈប់លើចិញ្ចើមផ្លូវ ត្រូវបានម្ចាស់ឃើញទាន់ស្រែកផ្អើលឆោឡោ ធ្វើឱ្យបុរសជាជនសង្ស័យរត់ឡើងរថយន្តបើកគេច ត្រូវម្ចាស់ដេញតាមឃាត់ខ្លួនបានប្រគល់ឱ្យសមត្ថកិច្ច បង្កឱ្យមានការភ្ញាក់ផ្អើលកាលពីវេលាម៉ោង១២អធ្រាត្រថ្ងៃទី២៤ ខែតុលា ឆ្នាំ២០២៦ ស្ថិតតាមបណ្តោយមហាវិថី ឈ្នះ ឈ្នះ ក្នុងភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
ប្រភពព័ត៌មានបានអោយដឹងថា នៅមុនពេលកើតហេតុ ជនរងគ្រោះបានបើករថយន្តសណ្តោងរ៉ឺកម៉កដឹកទូកុងតឺន័រ ពណ៍ស ពាក់ស្លាកលេខ ភ្នំពេញ 3C-4467 ទៅឈប់លើចិញ្ចើមផ្លូវនៅមុខហ្គារ៉ាសរថយន្តមួយកន្លែងតាមបណ្តោយមហាវិថី ឈ្នះ ឈ្នះ ក្នុងូមិជង្រុក សង្កាត់ត្រពាំងក្រសាំង។ បន្ទាប់មកជនសង្ស័យបានបើករថយន្តកុងតឺន័រមួយគ្រឿង ពណ៍សលាយក្រហម ពាក់ស្លាកលេខកំពង់ចាម3B.1037 ធ្វើដំណើរតាមបណ្តោយមហាវិថី ឈ្នះ ឈ្នះក្នុងទិសដៅពីជើងទៅត្បូង ។
តាមប្រភពព័ត៌មានបានឱ្យដឹងថា ខណៈពេលទៅដល់ត្រង់ចំណុចកើតហេតុបានមកឈប់ក្បែររថយន្តរងគ្រោះមិនពន្លត់ម៉ាស៊ីនរថយន្តនោះទេ ហើយបានធ្វើសកម្មភាពយកទុយោមកបើកគម្របរ៉េសាវ័រប្រេងបានបូមប្រេងដាក់ប៊ីដុងបាន៣០លីត្រ ដើម្បីចាក់ចូលទៅក្នុងរ៉េសាវ័ររថយន្តរបស់ជនសង្ស័យ ប៉ុន្តែបូមបានពេញមួយប៊ីដុង ហើយគោលបំណងលើកប៊ីដុងប្រេងបម្រុងចាក់ចូលក្នុងរ៉េសាវ័ររថយន្តរបស់ខ្លួន មិនទាន់បានចាក់ចូលផង ត្រូវបានម្ចាស់ចុះពីក្នុងរថយន្ត ដើម្បីបត់ជើងតូច ស្រាប់តែប្រទះឃើញជនសង្ស័យ ភ្លាមៗនោះម្ចាស់ក៏បានស្រែកឆោឡោធ្វើអោយជនសង្ស័យភិតភ័យក៏បានស្ទុះស្រវាបើកទ្វាររថយន្តដែលកំពុងបញ្ឆេះឡើងបើកព្យាយាមបើកគេចខ្លួន ត្រូវបានម្ចាស់រថយន្តរងគ្រោះនិងអ្នកបើកបររថយន្តផ្សេងទៀតដែលមានរថយន្តឈប់ក្បែរនោះបាននាំគ្នាជិះម៉ូតូដេញតាមពីក្រោយរហូតទៅដល់ផ្លូវទាល់ក្បែរផ្សារឯករាជ២ ក្នុងភូមិព្រៃព្រីងជើង២ សង្កាត់ចោមចៅទី៣ ក៏ឃាត់បានទាំងជនសង្ស័យនិងរថយន្ត ប្រគល់ទៅអោយសមត្ថកិច្ចប៉ុស្តិ៍រដ្ឋាបាលត្រពាំក្រសាំដើម្បីសួរនាំបន្ត ៕
ចែករំលែកព័តមាននេះ