កងកម្លាំងឧទ្ទាមលីប៊ីកាលពីថ្ងៃទី១៤ សីហា បានវាយប្រហារកងទ័ពដែលស្មោះត្រង់នឹងលោកមូអាម៉ា កាដាហ្វី នៅជិតព្រំដែនទុយនីស៊ី និងក្នុងទីក្រុង ZAOUIAH ចម្ងាយ៥០គីឡូម៉ែត្រខាងលិចក្រុងទ្រីប៉ូលី ដោយគំរាមកំហែងផ្លូវផ្គត់ផ្គង់សំខាន់ទាំងឡាយសម្រាប់របបលោកមូអាម៉ា កាដាហ្វី។
កងកម្លាំងឧទ្ទាមលីប៊ីកាលពីថ្ងៃទី១៤ សីហា បានវាយប្រហារកងទ័ពដែលស្មោះត្រង់នឹងលោកមូអាម៉ា កាដាហ្វី នៅជិតព្រំដែនទុយនីស៊ី និងក្នុងទីក្រុង ZAOUIAH ចម្ងាយ៥០គីឡូម៉ែត្រខាងលិចក្រុងទ្រីប៉ូលី ដោយគំរាមកំហែងផ្លូវផ្គត់ផ្គង់សំខាន់ទាំងឡាយសម្រាប់របបលោកមូអាម៉ា កាដាហ្វី។
ប៉ុន្តែភាគីទាំង២និយាយថា ពុំមានចលនាចំបងណាមួយលើរណសិរ្សដទៃៗទៀតនៅខាងកើតក្រុងទ្រីប៉ូលីជិតក្រុងមីស្ត្រាតា និងជុំវិញទីក្រុងប្រេងប្រេហ្គាឡើយ។ បណ្តាអ្នកកាសែតអាចស្តាប់ឮស្នូរកាំភ្លើងនៅក្រុង ZAOUIAH ជាទីក្រុងមួយមានរោងចក្រចម្រាញ់ប្រេងកាតដែលពួកឧទ្ទាមសង្ឃឹមថា អាចដណ្តើមយកទីក្រុងនោះដើម្បីខ្ទប់ដង្ហើមក្រុងទ្រីប៉ូលី។ ផ្លូវថ្នល់ដែលភ្ជាប់ក្រុងទ្រីប៉ូលីនៅព្រំដែនទុយនីស៊ីត្រូវកាត់ផ្តាច់។ រដ្ឋាភិបាលអះអាងថា មានការប៉ះទង្គិចគ្នានានាក្នុងតំបន់នោះ ក៏ប៉ុន្តែបានប្រៀបធៀបការវាយលុកនេះរបស់ពួកឧទ្ទាមទៅនឹងបេសកកម្មអត្តឃាតមួយដែលត្រូវកម្ទេចដោយកងទ័ពរដ្ឋាភិបាល។
អ្នកនាំពាក្យរដ្ឋាភិបាលនិយាយថា ក្រុង ZAOUIAH ស្ថិតក្រោមការត្រួតត្រារបស់យើងទាំងស្រុង។ ពួកឧទ្ទាមមួយក្រុមតូចសាកល្បងលុកចូលភាគខាងត្បូងទីក្រុង ប៉ុន្តែទីបំផុតត្រូវរារាំងដោយកងទ័ពរបស់យើង។ ពួកឧទ្ទាមអះអាងផ្ទុយពីនេះដោយថា កងកម្លាំងរបស់ពួកគេកាលពីថ្ងៃទី១៣ សីហា ស្ថិតនៅចម្ងាយតែ៨០០ម៉ែត្រទៀតប៉ុណ្ណោះពីទីលានទុក្ករបុគ្គលនាកណ្តាលក្រុងនេះ៕
ចែករំលែកព័តមាននេះ