ទូតបារាំង៖ កាល៣៥ឆ្នាំមុន កិច្ចព្រមព្រៀងសន្តិភាពទីក្រុងប៉ារីសត្រូវបានបិទបញ្ចប់ជម្លោះដែលកើតមានជាច្រើនឆ្នាំមករកសន្តិភាព
- ភ្នំពេញ
រាជធានីភ្នំពេញ ៖ ស្ថានទូតបារាំងប្រចាំកកម្ពុជាបានលើកឡើងថា ៣៥ឆ្នាំមុនកិច្ចព្រមព្រៀងទីក្រុងប៉ារីស ត្រូវបានបិទបញ្ចប់ជម្លោះដែលកើតមានជាច្រើនឆ្នាំ ហើយបានបើកផ្លូវទៅកាន់ការវិលត្រលប់មកវិញនៃសន្តិភាព និងការកសាងប្រទេសកម្ពុជាឡើងវិញ ។
យោងតាមបណ្តាញសង្គមរបស់ទូតបារាំងប្រចាំនៅកម្ពុជា នៅថ្ងៃទី២៣ ខែតុលា ឆ្នាំ២០២៦ បានលើកឡើងថា កាលពី៣៥ឆ្នាំមុន កិច្ចព្រមព្រៀងសន្តិភាពទីក្រុងប៉ារីសត្រូវបានចុះហត្ថលេខា ។
ប្រភពបានលើកឡើងថា កិច្ចព្រមព្រៀងនេះ បានបិទបញ្ចប់ជម្លោះដែលកើតមានជាច្រើនឆ្នាំ ហើយបានបើកផ្លូវទៅកាន់ការវិលត្រលប់មកវិញនៃសន្តិភាព និងការកសាងប្រទេសកម្ពុជាឡើងវិញ។
ប្រទេសបារាំងដែលបានស្វាគមន៍ និងធ្វើជាសហប្រធានសន្និសីទជាមួយប្រទេសឥណ្ឌូនេស៊ី ដែលនាំទៅដល់ការចុះហត្ថលេខាខាងលើ គូសបញ្ជាក់សាជាថ្មីនូវការប្រកាន់ខ្ជាប់យ៉ាងពេញលេញនូវមរតកនៃគោលការណ៍នានានៃកិច្ចព្រមព្រៀងទីក្រុងប៉ារីស ដែលចារឹកក្នុងរដ្ឋធម្មនុញនៃប្រទេសកម្ពុជា ។
ប្រភពបានបញ្ជាក់ថា«គោលការណ៍ទាំងនេះ នៅតែជាតម្លៃសំខាន់សម្រាប់ការអភិវឌ្ឍន៍ប្រកប ដោយស្ថិរភាព ចីរភាព និងដែលគោរពសិទ្ធិ និងសេរីភាពជាមូលដ្ឋាន»។
ស្ថានទូតបារាំងបានអះអាងថា ចាប់តាំងពីពេលនោះមក ប្រទេសបារាំង និងប្រទេសកម្ពុជា កសាងភាពជាដៃគូដោយផ្អែកលើភាពស្និទ្ធិស្នាលជាប្រវត្តិសាស្ត្រ និងឆ្ពោះទៅកាន់អនាគត ។ ជួបគ្នានៅក្នុងកិច្ចប្រជុំកំពូល! ៕
ចែករំលែកព័តមាននេះ