កាន់តែកាច! ពេលកំពុងបាចជីស្រូវពេលមេឃកំពុងរលឹម ត្រូវរន្ទះបា.ញ់ស្លា.ប់ម្នាក់ រ.បួ.សម្នាក់ដួលក្នុងស្រែ
- បាត់ដំបង
ខេត្តបាត់ដំបង ៖ អុ្នកស៊ីឈ្នូលបាចជីស្រូវចំនួន០២នាក់ ត្រូវរន្ទះបាញ់ពេលមេឃកំពុងភ្លៀងរលឹម បណ្ដាលឲ្យម្នាក់ស្លាប់ និងម្នាក់ទៀតរងរបួសធ្ងន់ ដួលសន្លប់នៅក្នុងស្រែ កាលពីវេលាម៉ោង៣និង៣០នាទីរសៀលថ្ងៃទី២១ តុលា ស្ថិតនៅចំណុច «បឹងតាអឿ» ក្នុងភូមិអង្គ្រង ឃុំជ្រៃ ស្រុកមោងប្ញស្សី ។
សមត្ថកិច្ចបានរាយការណ៍ថា ជនរងគ្រោះទាំង០២នាក់ដែលរងគ្រោះដោយរន្ទះបាញ់ មានម្នាក់ឈ្មោះ បាន កែវ ភេទប្រុស អាយុ៣៣ឆ្នាំ នៅភូមិឃុំកើតហេតុ (ស្លាប់នៅចំណុចកើតហេតុ) និងឈ្មោះ នី រឿម ភេទប្រុស អាយុ៣៨ឆ្នាំ នៅភូមិឃុំ កើតហេតុ (រងរបួសធ្ងន់) ។
ជនរងគ្រោះទាំង០២នាក់ត្រូវរន្ទះបាញ់នៅពេលពួកគាត់កំពុងដើរបាចជីស្រូវក្នុងស្រែ ស្របពេលមេឃកំពុងភ្លៀងរលឹមស្រិចៗលាយឡំទៅដោយផ្គរ រន្ទះ និងខ្យល់បោកបក់យ៉ាងខ្លាំងក្លាផង ។
ជនរងគ្រោះដែលរងរបួសត្រូវបានអ្នកភូមិ និងក្រុមគ្រួសារជួយអន្តរាគមន៍ភ្លាមៗជួយដឹកបញ្ជូនទៅកាន់មណ្ឌលសុខភាព ខណៈជនរងគ្រោះម្នាក់ទៀតបានដួលស្លាប់យ៉ាងរន្ធត់នៅក្នុងស្រែជាមួយនឹងសម្ពាយធុងដាក់ជី ។
មន្ទីរធនធានទឹក និងឧតុនិយមខេត្ត បានចេញសេចក្ដីជូនដំណឹងស្ទើររៀងរាល់មួយសប្ដាហ៍ម្ដង ស្ដីពី«ស្ថានភាពអាកាសធាតុក្នុងខេត្តបាត់ដំបង» ។ សេចក្ដីជូនដំណឹងរបស់មន្ទីរនេះ បានប្រាប់អំពីស្ថានភាពអាកាសធាតុប្រែប្រួលជាប្រចាំ ដែលបង្កឲ្យមានភ្លៀងធ្លាក់ពីខ្សោយ មធ្យម បង្គូរ ឬខ្លាំង ហើយថែមទាំងបានប្រាប់ពីសីតុណ្ហភាព និងនិយាយពីការប្រែប្រូលនៃអាកាសធាតុនាំឲ្យមានភ្លៀង ផ្គរ រន្ទះ និងខ្យល់កន្ត្រាក់ទៀតផង ។ ដូច្នេះ សូមបងប្អូនប្រជាពលរដ្ឋ ត្រូវមានការប្រុងប្រយ័ត្នចំពោះបាតុភូមិធម្មជាតិបែបនេះ ដែលអាចកើតឡើងដោយយថាហេតុ ៕
ចែករំលែកព័តមាននេះ