មេឃរកកល់ភ្លៀង! រន្ទះបា.ញ់ចំដើមត្នោត១ដើម ឆេះផ្អើលផ្លូវបឹងបៃតង ក្នុងសង្កាត់ក្រាំងធ្នង់
- ភ្នំពេញ
រាជធានីភ្នំពេញ ៖ ខណៈមេឃរកកល់ភ្លៀង ស្រាប់តែមានរន្ទះបាញ់ បណ្ដាលឲ្យឆេះដើមត្នោតមួយដើមយ៉ាងសន្ធោសន្ធៅ បង្កការភ្ញាក់ផ្អើលដល់ប្រជាពលរដ្ឋរស់នៅក្បែរនោះចោមរោមមើល កាលពីវេលាម៉ោង៥និង៣០នាទីល្ងាច ថ្ងៃទី២១ តុលា ឆ្នាំ២០២៦ នៅតាមបណ្ដោយផ្លូវបឹងបៃតង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។
តាមប្រភពព័ត៌មានពីប្រជាពលរដ្ឋ បានអោយដឹងថា មុនពេលកើតហេតុ គឺមេឃរកកល់ភ្លៀង ស្រាប់តែមានរន្ទះបាញ់មួយផាំង បណ្ដាលឲ្យត្រូវចំដើមត្នោតមួយដើមនោះឆេះយ៉ាងសន្ធោសន្ធៅ ផ្អើលប្រជាពលរដ្ឋរស់ក្បែរចោមមើល ។
ក្នុងករណីនេះដែរ មិនបង្កគ្រោះថ្នាក់ដល់មនុស្សណាម្នាក់នោះទេ ហើយភ្លើងបានឆាបឆេះ ធាងត្នោតងាប់ៗអស់មួយសន្ទុះ ក៍រលត់ទៅវិញអស់ ។
ជុំវិញករណីខាងលើនេះដែរ នៅរាល់ពេលមានមេឃរកកល់ភ្លៀងលាយឡំជាមួយផ្គររន្ទះ សូមបងប្អូនប្រជាពលរដ្ឋ មេត្តារកកន្លែងជ្រកដែលមានសុវត្ថិភាព ចៀសវាងទៅជ្រកក្រោមដើមឈើផ្សេងៗ ក្រែងកើតមានគ្រោះហានិភ័យណាមួយកើតឡើងជាយថាហេតុ ៕
ចែករំលែកព័តមាននេះ