នាយករដ្ឋមន្ត្រីតួកគីកាលពីថ្ងៃសៅរ៍បានប្រកាសថា ទីក្រុងអ៊ីស្តង់ប៊ុលនឹងត្រូវយកទៅចុះឈ្មោះចូលរួមដេញថ្លៃធ្វើជាម្ចាស់ផ្ទះប្រកួតកីឡាអូឡាំពិករដូវក្តៅឆ្នាំ២០២០ខាងមុខ។
ថ្លែងតាមរយៈទូរទស្សន៍ក្នុងស្រុក លោកRecep Tayyip Erdoganបានបញ្ជាក់ថា៖ «យើងនៅទីនេះដើម្បីប្រកាសប្រាប់ពិភពលោកពីបេក្ខភាពរបស់យើងក្នុងការដេញថ្លៃធ្វើជា
នាយករដ្ឋមន្ត្រីតួកគីកាលពីថ្ងៃសៅរ៍បានប្រកាសថា ទីក្រុងអ៊ីស្តង់ប៊ុលនឹងត្រូវយកទៅចុះឈ្មោះចូលរួមដេញថ្លៃធ្វើជាម្ចាស់ផ្ទះប្រកួតកីឡាអូឡាំពិករដូវក្តៅឆ្នាំ២០២០ខាងមុខ។
ថ្លែងតាមរយៈទូរទស្សន៍ក្នុងស្រុក លោកRecep Tayyip Erdoganបានបញ្ជាក់ថា៖ «យើងនៅទីនេះដើម្បីប្រកាសប្រាប់ពិភពលោកពីបេក្ខភាពរបស់យើងក្នុងការដេញថ្លៃធ្វើជាម្ចាស់ផ្ទះប្រកួតកីឡាអូឡាំពិករដូវក្តៅឆ្នាំ២០២០។ យើងជឿថា ព្រឹត្តិការណ៍ប្រកួតនេះគឺមានសារសំខាន់បំផុតសម្រាប់ប្រទេស និងប្រជាជនរបស់យើង។ យើងចូលរួមដេញថ្លៃក៏ព្រោះតែយើងចាត់ទុកថា អូឡាំពិកគឺជាព្រឹត្តិការណ៍ដ៏មានតម្លៃបំផុតដែលអាចចូលរួមចំណែកយ៉ាងធំធេងក្នុងការបង្កើតសន្តិភាពលើសាកលលោក»។
យោងតាមសេចក្តីរាយការណ៍ពីទីភ្នាក់ងារព័ត៌មាន Anatolia លោកនាយករដ្ឋមន្ត្រីErdogan បានមានប្រសាសន៍ថា រដ្ឋាភិបាលរបស់លោកនឹងបង្កើតច្បាប់ពិសេសមួយពាក់ព័ន្ធនឹងកីឡាអូឡាំពិកដើម្បីពន្លឿនទៅលើការវិនិយោគទុន។ តាមលោកនាយករដ្ឋមន្ត្រីអ្វីទាំងអស់នេះគឺមានន័យថាតួកគីបានត្រៀមខ្លួនរួចជាស្រេចក្នុងរៀបចំការប្រកួត។
តាមការដកស្រង់សម្តីរបស់ទីភ្នាក់ព័ត៌មានAnatolia លោកនាយករដ្ឋបញ្ជាក់ថា៖ «យើងអាចនិយាយបានថា ហេដ្ឋារចនាសម្ព័ន្ធក្រុងគឺមានរួចជាស្រេចហើយសម្រាប់ហេដ្ឋារចនាសម្ព័ន្ធធំទំនើបៗ យើងអាចធ្វើឲ្យរួចរាល់យ៉ាងឆាប់រហ័សតាមរយៈការវិនិយោគទុន»។
ប្រទេសតួកគីមានពហុកីឡដ្ឋានទំនើបមួយឈ្មោះ Istanbul Ataturk Olympic Stadium ដែលទើបតែសាងសង់រួចរាល់ក្នុងឆ្នាំ២០០២។ ពហុកីឡដ្ឋានេះអាចដាក់អ្នកទស្សនាបានប្រមាណ៧៥ពាន់នាក់។ នេះជាពហុកីឡដ្ឋានដែលមានកម្រិតស្តង់ដាអន្តរជាតិ និងមានការទទួលស្គាល់ពីគណៈកម្មាធិការអូឡាំពិកពិភពលោក IOC។ គួរកត់សម្គាល់ថា ប្រទេសតួកគីធ្លាប់បានទទួលការបរាជ័យក្នុងការដេញថ្លៃធ្វើជាម្ចាស់ផ្ទះប្រកួតអូឡាំពិក៤លើកកន្លងមក។ ការចូលដេញថ្លៃលើកនេះគឺជាលើកទី៥ចាប់តាំងពីឆ្នាំ២០០០មក។ អភិបាលក្រុងអ៊ីស្តង់ប៊ុលលោក Kadir Topbas បាននិយាយថា៖ «ក្រុងអ៊ីស្តង់ប៊ុលធ្លាប់បានចូលដេញថ្លៃជាច្រើនលើកមកហើយ ប៉ុន្តែមិនធ្លាប់បានត្រៀមខ្លួនរួចជាស្រេចដូចជានៅពេលនេះទេ»៕
ចែករំលែកព័តមាននេះ