ខេត្តរតនគិរី ៖ ជនសង្ស័យពីរនាក់ត្រូវសមត្ថកិច្ចឃាត់ខ្លួននៅកន្លែងផ្សេងគ្នា ក្នុងករណីជួញដូរថ្នាំញៀន។ ប្រតិបត្តិការបង្ក្រាបជនសង្ស័យនេះ ដោយមានការសហការវាងការិយាល័យកណ្តាលនគរបាលយុត្តិធម៌ និងក្រុមការងារបានចុះបង្ក្រាបករណីចែកចាយគ្រឿងញៀននៅចំណុចមុខ ផ្ទះសំណាក់ឆាយវ៉ាងស្ថិតក្នុងភូមិ២ សង្កាត់
ខេត្តរតនគិរី ៖ ជនសង្ស័យពីរនាក់ត្រូវសមត្ថកិច្ចឃាត់ខ្លួននៅកន្លែងផ្សេងគ្នាក្នុងករណីជួញដូរថ្នាំញៀន។ ប្រតិបត្តិការបង្ក្រាបជនសង្ស័យនេះ ដោយមានការសហការវាងការិយាល័យកណ្តាលនគរបាលយុត្តិធម៌ និងក្រុមការងារបានចុះបង្ក្រាបករណីចែកចាយគ្រឿងញៀននៅចំណុចមុខផ្ទះសំណាក់ឆាយវ៉ាងស្ថិតក្នុងភូមិ២ សង្កាត់ឡាបានសៀក ក្រុងបានលុង នៅថ្ងៃទី១១ សីហា ២០១១ វេលាម៉ោង១៧និង២០នាទី។
ក្នុងប្រតិបត្តិការនោះសមត្ថកិច្ចបានឃាត់ខ្លួនជនសង្ស័យម្នាក់ និងឆែកឆេររកឃើញថ្នាំញៀនចំនួន២២គ្រាប់ ម៉ាទឹកកក១ថង់តូច។ រួចបន្តធ្វើការស្រាវជ្រាវរហូតដល់ម៉ោង១៩និង៤០នាទីថ្ងៃទី១១ សីហា សមត្ថកិច្ចបានឃាត់ខ្លួនជនសង្ស័យបានម្នាក់ទៀត នៅចំណុចបឹងកន្សែងខាងក្រោយសណ្ឋាគារឆេងឡុក ស្ថិតនៅភូមិ៦ សង្កាត់ឡាបានសៀក ក្រុងបានលុង ឆែកឆេររកឃើញថ្នាំញៀនចំនួន៧៣គ្រាប់ និងម៉ាទឹកកក១ថង់តូច។
ប្រភពព័ត៌មានពីមន្ត្រីប៉ូលិសការិយាល័យកណ្តាលនគរបាលយុត្តិធម៌នៃស្នងការដ្ឋានខេត្តបានបញ្ជាក់ថា ជនសង្ស័យទី១-ឈ្មោះស៊ិន រ៉ាម៉ន ភេទប្រុស អាយុ២២ឆ្នាំ មានទីលំនៅភូមិ២ សង្កាត់ឡាបានសៀក ក្រុងបានលុង ជាមន្ត្រីនគរបាលខេត្ត។ ជនសង្ស័យទី២ឈ្មោះវាំង វិឆៃ ភេទប្រុស អាយុ២២ឆ្នាំ មានទីលំនៅភូមិ១សង្កាត់ឡាបានសៀក ក្រុងបានលុង មុខរបរមិនពិតប្រាកដ។ ការដកហូតវត្ថុតាងរួមមានថ្នាំញៀនសរុបចំនួន៩៥គ្រាប់ប្រភេទយ៉ាម៉ា ម៉ាទឹកកក ពីរថង់តូច និងទូរស័ព្ទដៃចំនួន២គ្រឿង។
ជនសង្ស័យទាំងពីរនាក់ ត្រូវកម្លាំងជំនាញប្រឆាំងគ្រឿងញៀនកសាងសំណុំរឿងបញ្ជូនទៅព្រះរាជអាជ្ញាអមសាលាដំបូងខេត្តដើម្បីចាត់ការតាមនីតិវិធី៕
ចែករំលែកព័តមាននេះ